رجال الديره اللي بايعوا حكامها الأخيار

سلام الله على اللي في حضوره زاد نور الدار
نرحب به تراحيبٍ تليق بقدره العالي
نرحب صوت واحد بالأمير اصغارنا وكبار
عدد رمل النفود وعد ما قد هل همالي
أمير جا بعد عمه حرار من وكور احرار
وهو غالي ومن قبله عسى الله يرحمه غالي
أمير للرياض وهو علم من فوق راسه نار
فرحنا وابتهجنا في سموه طيب الفالي
أبو راي سديد اللي على نهج التطور سار
وهو خالد ولد بندر عريب العم والخالي
تكرم في زيارتنا بعد ما للمناطق زار
وتباشرنا ورحبنا وزانت كل الأحوالي
تغنى فيه عذبات المعاني واجزل الأشعار
عساه بخير في حله وفي خيرٍ بترحالي
واثني بالسلام لنايبه ما هلّت الامطار
صليب الراي تركي مسنده والحق ينقالي
عسى يحماه ربي عالم النيّه من الاخطار
اغني وامدحه واكتب بطيبه زين الامثالي
يهلي فيهم الزلفي وسكانه خفا وجهار
بهم ترحيبة اولاد الجريسي طعمها حالي
رجال الديره اللي بايعوا حكامها الأخيار
حرارٍ حزة الشده وفوا حماية التالي
ومع اللي رحبوا رحبت باللي زاد نور الدار
امير العاصمة والنايب اللي قدرهم عالي