بيت وصدى

الاسبوع الماضي كان بيت الاسبوع حول مقترح الأخ فرحان سعد الممرط من حايل حول ضرورة وضع ضريبة على الاراضي البيضاء كي تكبح من جماح غلاء اسعار الاراضي للشاعر سعود عائش الحربي من القاهرة الذي يقول:
كم من اراضي بيض ما احدن عمرها
وذا من سبايب بورها مع غلاها
وقد كان صدى الشعراء:
لا من شرا التاجر سنينه هجرها
لا هو عرضها البيع ولا هو بناها
هذي طبايع عندهم تحتكرها
سبّة جشع يا ليت من هو نهاها
عطوا المواطن فرصة(ن) ويعمرها
يحتاج للتخفيض ويبدأ شراها
محمد بن عبدالعزيز الخنيفر - أشيقر
والمسلمين اتضرروا من ضررها
طار السعر وصل اعالي سماها
والتاجر اللي مشتريها سبرها
يبي الثمن من فوق عالي علاها
هذي السبايب في غلاها دمرها
ويالله تعين اللي تلقى بلاها
حمد عبدالله الوايلي - حوطة سدير
التاجر الي بحتكاره حكرها
مسوى عليها حضر ظني نساها
ليته يزكيها لمنهو ذكرها
والا البناء يبطي ترا مابناها
سعد صنهات السهلي - الدرعيه
ترا الامانه كان ربي ومرها
تجعل ضريبة للذي مابناها
حتى جميع الناس تترك بطرها
ماعاد نسمع للأراضي غلاها
وتزول عادات الجشع عن بشرها
ونعيش في نعمه ونشكر عطاها
علي رشيد الرشيد - رياض الخبراء
بعض العقار اليوم ماضي دهرها
تخطيطها معدوم من مشتراها
والمالك اللي يجني منها ثمرها
ترا البطأ تخطيط خطه وراها
رفع السعر عالي وعالي ضررها
لازم رسوم اليوم للي شراها
عبدالمحسن بن محمد المحيسن - رياض الخبراء
بيت الاسبوع
تجاوبا مع مقترح الأخ عبدالله الناصر من الرياض حول ضرورة إيجاد متنفس بري لأهالي المدن بترتيب من الأمانة ارسل للصفحه الشاعر زبن مقبل العنزي ويقول
كل المدن تحتاج للبر ترتيب
تكفون شوفوا يالامانه سنعها
نستقبل صدى هذا البيت بثلاثة أبيات فقط تدور حول هذه القضية الهامة، ويفضل الإرسال عبر الإيميل:
rb-khozama@alriyadh.com
او على الفاكس (4871070/ 01)
مقترح لموضوع بيت الأسبوع المقبل
ارسل للصفحة الأخ بدر بن ناصر ابانمي من الرياض موضوعاً مقترحاً لبيت الأسبوع القادم وهو مشكلة من خدم في التأمينات الاجتماعيه ثم خدم في العمل الحكومي وعدم احتساب الخدمه السابقة.