بيت وصدى

الاسبوع الماضي كان بيت الاسبوع حول مقترح الأخ صالح بن عبدالله نامي العصيمي حول الغلاء الباهظ في اسعار وجبات الافطار في جامعات البنين والبنات على السواء.. للشاعر علي جابر ال زولان الفيفي الذي يقول:
في جامعات المملكة ياهل الخير
سعر المقاصف باهضة في غلاها
وقد كان صدى الشعراء:
نبي حلول(ن) عاجلة دون تأخير
توقف هل الأطماع عن مبتغاها
في كل مقصف يوضع اليوم تسعير
وناس(ن) تخالف لا بد تلقى جزاها
نبي رقابة صارمة يا المناعير
نوقف نفوس(ن) سايرة في هواها
محمد عبدالعزيز الخنيفر - أشيقر
وين الرقابه وينهم يامناعير
ابضاعته يكسب دبل لاشراها
والله لو نكشف كثير الفواتير
لك ان يتبين طيبها من رداها
سعد صنهات السهلي - الدرعيه
تعليمنا العالي على الخط والسير
يشمل جميع المملكه مع قراها
هذا الوطن رفرف كما رفرف الطير
والجامعات اليوم عالي سماها
حتى المقاصف فيها الانعام والخير
والمشكله غالي وغالي شراها
عبد المحسن بن محمد المحيسن - رياض الخبراء
ما تستوي دنياك لو كنت في خير
والصبر زين لو تعاظم بلاها
احرص على علمك ولا فيه تقصير
واعرف ترى بعد الشقا لك حلاها
يا صاحبي والعلم نور وتبصير
والجامعات اليوم ما كثر عطاها
حطت مقاصفها تبي تكمل السير
بس السعر زايد وزايد غلاها
حمد عبدالله الوايلي
في جامعات المملكة كلش غير
سعر المقاصف واصله منتهاها
أسعار ما تعقل وحنا ببلد خير
نل ينصبر واله ويسكت علاها
ملزوم تخفيضه على أقل تقدير
طلابنا تحتاج دعم ومعاها
مبارك بن محمد بن طرجم - وادي الدواسر
دخل الشهر للجامعي ما أشبع الطير
ولا يحتمل وجبات زايد غلاها
والجامعة أسعار افطارها غير
وكل السبب ما أحد(ن) كبح ارتقاها
ويضاف هذا فوق جملة فواتير
لأسعار كل(ن) يشتكي من بلاها
ولا صار نبغاهم يجدون بالسير
أمورهم لازم نسدد إخطاها
سعود عائش الحربي
بيت الاسبوع
تجاوبا مع مقترح الأخ عبدالعزيز الرومي حول عدم تأهيل الاستراحات المتناثرة على الطرق السريعة وعدم كفاءتها
ارسل للصفحه الشاعر ناصر بن جمعان ال عوض من وادي الدواسر ويقول:
كلمة عتب لاهل السياحه والاثار
حال استراحات الطرق ما يسري
نستقبل صدى هذا البيت بثلاثة أبيات فقط تدور حول هذه القضية الهامة، ويفضل الإرسال عبر الإيميل:
rb-khozama@alriyadh.com
او على الفاكس (4871070/ 01)
مقترح لموضوع بيت الأسبوع المقبل
ارسل للصفحه الاخ فرحان سعد الممرط من حايل مقترحا لموضوع بيت الاسبوع القادم وهو ضرورة وضع ضريبة على الاراضي البيضاء كي تكبح من جماح غلاء اسعار الاراضي.