بيت وصدى

الاسبوع الماضي كان بيت الاسبوع عن مقترح الأخ وليد عبدالله السند حول ظاهرة الاخطاء الطبية بالمستشفيات للشاعر سالم البشري من الجبيل والذي يقول:
كان الخطأ اصبح ظاهره راحت ارواح
ماعاد تفرق دون قصد او عمدها
وقد كان صدى الشعراء:
الناس تصبر مير صبر البشر باح
وين الاجابه كان حي نشدها
ماكل جراحن يحوز اسم جراح
كم من شهاده تنشرى من بلدها
ولله مالوم الى شكا وشتكا صاح
عذره بعد فعله ترى امر وادها
سعد صنهات السهلي - الدرعية
خطا الطبيب ابشع خطا ماله اصلاح
يخفى الخطا مع جثتن في لحدها
وان ماوضعنا حد لاهمال جراح
المقبلات تصير أمر وادهى
عبدالعزيز الصالح - حائل
يا كم ضحيّه سبت اهمالهم راح
ويقول مكتوب ٍ وهذا وعدها
ونفس الخطا ينعاد كل يوم ياصاح
مادام ضامن ما يحاسب بعدها
صرنا تجارب طب بيدين سفاح
ومن آخرتها المواطن حصدها
عبدالله بن عبود السهلي - تبوك
ممكن شهادات تزيف بالارياح
واللي تورط جابها مانشدها
ترا حياة الناس ماهيب تنباح
ماتنعدم نفس ويوجد سندها
لكن بدا التفتيش والصدق ينباح
والمملكه تطرد مخرب بلدها
علي رشيد الرشيد - رياض الخبراء
صار الخطأ روتين فني وجراح
ترى الضحيه مدة في لحدها
ارواحنا لعبه على يدين سفاح
تكفون يا روس القروم وسندها
الأمر فادح والأمل ردع الاشباح
من التلاعب بالنفوس وحصدها
علي آل زولان الفيفي - بيشة
الخير فاهل الخير موجود ما راح
ولاخطا بفضل الله قليلن عددها
لو كل من شاف الخطا وقف بلحاح
ما فوت الغلطة وقف في نصدها
وعمل لدينه والوطن عمل بنصاح
من قدم أعمالن جليله وجدها
غنام مسعود القريني
ترى الخطا بطب معروف ياصاح
غلطت طبيب اليوم ماكثر عددها
والمشكله مابين مشرط وجراح
راحت حيات البعض محد(ن) سندها
نبي الطبيب الحاذق اليوم لماح
بعظ المشاكل حلها في مهدها
عبد المحسن بن محمد المحيسن - رياض الخبراء
ياسالم البشري عساك انت مرتاح
وعساك سالم لاتكسر عمدها
الطب لاهل الطب وقفات وافراح
والعافيه نعمه على اللي وجدها
وترا الخطا في الطب قافيته اتراح
واشوف غلطاته كثير (ن) عددها
حمد عبدالله الوايلي - حوطة سدير
مايترك المشرط للارواح يجتاح
كم من صحيح ٍ صحته له حصدها
كم روحت نفس ٍ وناس ٍ لها اصياح
والصمت عن مايحصل امر وادها
الوضع يبغاء جد والجد باصلاح
ماهي تصاريح ٍ قليل ٍ مددها
فايز موسى البشري
ترىالخطأ كنه عمد طعنة رماح
شوف الضحايا زايده في عددها
بعض توفي والبعض صيب باجراح
وش فايده وإن قال ذا ما عمدها
حكم الله نافذ والحكم فيه الاصلاح
والمشكله اقضو عليها بمهدها
صالح عبدالله نامي العصيمي
عقب الخطأ وش ينفع مريض ليا صاح
وش حال أب وأم فقدت ولدها
أهدافهم وحده وهي جني الأرباح
بالآخره حوبة مريضه يجدها
الطب صاير عندنا هم وأتراح
كم من نفوس تزود حدة نكدها
ناصر الخيال
ياما من الغلطات وكم واحدن راح
أخطاء كثيرة صعب نحصي عددها
بعض المشافي تجلب اليوم سفاح
ياما نفوس(ن) منه ذاقت كبدها
جانا بعضهم كنه اليوم سوّاح
قضت على ناس(ن) وراحت ولدها
ريان محمد الخنيفر
بيت الاسبوع
تجاوبا مع مقترح الأخ عبدالله الغبيني حول تأخر توزيع الاراضي السكنيه من البلديات ارسل للصفحة الشاعر عبدالعزيز العلي من حايل هذا البيت
حنا نعيش بقارّة مابها ضيق
مع هذا توزيع الاراضي صعيبي
نستقبل صدى هذا البيت بثلاثة أبيات فقط تدور حول هذه القضية الهامة، ويفضل الإرسال عبر الإيميل
rb-khozama@alriyadh.com
او على الفاكس (4871070/ 01)
مقترح لموضوع بيت الأسبوع المقبل
ارسل للصفحه الاخ صالح بن عبدالله نامي العصيمي مقترحا لموضوع بيت الاسبوع القادم وهو الغلاء الباهظ في اسعار وجبات الافطار في جامعات البنين والبنات على السواء وعدم قدرة الكثيرين على شرائها..