يا بلادي عيدي وارقي سنود

يا بلادي عيدي وارقي سنود
بفضل تطبيق الشريعة باقتدار
كل يوم عيد في حكم السعود
مملكتنا عيدها ليل ونهار
حكم أبو تركي حمى كل الحدود
فوق جيش وخيل غطاها الغبار
يوم أخو نورة حكمها بالزنود
مع رجال فعلها جاب انتصار
أشرقت شمس الفخر بأفكار عود
الهدف تثبيت شرع الله وصار
خلّف رجالٍ على الواقع شهود
شاربين الحكم من سن الصغار
كملوا مسيرته باقي العقود
طبقوا وصيّته سر وجهار
مملكتنا شعبها وافي العهود
الحكم والشعب في نفس المسار
الحكومة قامت بكل الجهود
خدمة للشعب في كل الديار
في مشاريع البلد دايم تزود
كل غالي مرخصينه للعمار
خدمة البيتين من عهد الجدود
خدمة ضيوف الحرم عز وفخار
قال أبو متعب ترى حنا جنود
نخدم الحجاج بجهود كبار
العلم مرفوع في راس العمود
راية التوحيد والسنة منار
نفتخر بالدين ما نرضى جحود
من يخالف شرع ربه ما يجار
من سكن ببلادنا نومه سهود
من تعدى الخط زودنا العيار
من يخالف شرع ربه ما يكود
ما حسبنا له حساب ولا اعتبار
سورنا عالي ولا يحتاج زود
من تخطى السور راس الخبل طار
عيدي يا ديرتي وأرقي سنود
يا بلاد ضمّت بيوت طهار
عبدالله بن علي بن خليف الهويشان