موطن العز

الإنسان بلا وطن ماله وجود
والوطن لولا رجاله من بناه
وشكر الله موطني دوم محمود
من فضل ربي وخيره في وطاه
موطنا بالعز والمجد محسود
موطنا ماله مثيل ولا شباه
موطن الطولات بالعد معدود
شامخ فوق الثريا مستواه
قارة يحسب لها بين الحدود
نالت العلم الثمين ولاكفاه
نحمد الله دايم ترقا صعود
من حكمها الليث والعالي رقاه
الشجاع الصاطي السيف الصمود
الحكيم الفاهم الفذ النباه
ادرك ابعاد القضايا بالجهود
وعاد هيبت مجدها واللي نواه
حنكته ما مثلها واحد يسود
قل مثله بالبشر حقق أمناه
الإمام الفيصلي عرب الجدود
موحد الدار العزيزه وحتماه
أبو تركي لختلط سيف وبارود
قاد لشجعان والرايه دعاه
عساه بالفردوس من ظمن الخلود
ويا الله يا المعبود طيب له ثراه
الاسد يدوم عزه بالاسود
والأسد ما مات وعياله وراه
أبو متعب وأبو خالد كالفهود
الوطن بجهودهم خيره كساه
يا كريم ويا عليم وياودود
تحفظ الحكام وتهلك لطغاه
نسألك يا رب يا مهلك ثمود
تهلك الطاغين والخاين قفاه
يا وطن يا عز مهزك حقود
نردعه بالحال ما يلحق هواه
دام هالحكام للوالي سجود
نم بامان المعتلي بامنك تباه
حكمهم بالشرع والسيف محدود
سنه وقرآن ما يوجد سواه
لا يهمك صوت خوان العهود
كل شخص خان عند الله جزاه
ما يخون الدار ياكود الجحود
ولا يعق الأم يا كود السفاه
نهدي الأرواح من دونك نذود
والعدو ما غير غبنه ما نساه
نقهر العدوان بافعالاً تزود
والكريم المعتلي نطلب رضاه
والخطى راعيه مدحور شرود
ما يحقق مقصده غشه رماه
والتخفي ما يفيده بالحيود
يعثره رب الملا سبت خطاه
كل شعبك يا وطنا لك جنود
خصمك اليا بان نقطعله تماه
يا وطنا كل شعبك لك سنود
يرهبون الضد والضد ابعماه
ما يرتاح البال والشر امعقود
لين نقطع شجرة الشر وغثاه
وبعدها يطيب للعين الرقود
والوطن محروس والوالي رعاه
وصلاة اعداد براق الرعود
على محمد عد ما قيمت صلاه