نايف زرع في قلوبنا الحب والخير

على مثل نايف نهل العباير
وعلى مثل نايف تنوح الغنادير
على مثل نايف نعد الخسائر
ليته بقى والكون مخاسير
جرح الوطن وفراقه اليوم غاير
مظن يبرى الجرح ماظن ليصير
حتى نصون الدار من كل صاير
من كل قوماني وحاقد وشرير
حنا لابو متعب سوات الذخائر
حنا سموم الموت للضد والغير
حنا لابو متعب شيوخ وعشائر
حنا لابو متعب كبار ومصاغير
حنا عمى الباغي وراعي الدباير
حنا الخطر نفسه ومنا المحاذير
يا رافع البيرق ترى الدرب ساير
نايف زرع فيه قلوبنا الحب والخير
نايف نحطه في الحشا والضماير
والا سعى له نايف لازم يصير
أمن الوطن ما فيه شوار وشواير
أمن الوطن لا شافه من زعزعه خير
زيد بن فيصل الدوسري