صوت الصورة

مصروفي أكثر منك وإلا أنتي أكثر
الله يزيد الخير بيدين أبونا
مع أمنا ما يوم عنا تعذر
وكل مجتهدنا شجعونا وعطونا
ودمع الغلا بعيونهم كم تحدر
إلى إلتزمنا بكل ما وجهونا
فهد بن عقيل الطويان – بريدة
الصوره اللي بالخزامى جديده
صورة فتاتينٍ لهن طلت إشراق
فيهن علامات الطفوله أكيده
مع ابتسامه كلها ملح وأشواق
حمد عبدالله الوايلي - حوطة سدير
للبنات البيع بالسوق اسمحوا به
بالشرا والبيع يسمح للعذارى
والدراهم في يديكن امحسوبه
بايعات اليوم بفلوس ٍ كثارى
سلفن اموظفن تصفر جيوبه
اقتصاده صايراً فيه انهيارى
فلاح الدغيم - الزلفي
هذا حصيلي من العيد يا اخوات
واليوم جا وقته نشتري للحبايب
أنا مع اختي ناخذ اليوم حاجات
ما احلى الهدايا بالأهل والقرايب
محمد عبد العزيز الخنيفر - أشيقر
معنا الذهب .. معنا دناير .. وفلوس
عدٍ ونقدٍ بالأيادي تشوفون
عزي لمن حضه تعاسات ونحوس
وجنيه من الدنيا قرادات وديون
سالم محزي الفهيقي – تيماء
تبارك الله شوف هالمال والزين
الله جمعهم في بنات العذيه
يا رب تحفظهن من الحسد والعين
وتكف عنهن شر إنس وخفيه
قولوا معي يا ناس هلحين ..هلحين
بسم الله الوهاب .. رب البريه
علي جابر الفيفي – بيشة
شوف الفلوس وعدّها تفرح النفس
ويضيق صدر اللي فلوسه قليله
دوك البنات اللي يعدّنها أمس
لليوم فرحتهن نهاراً بليله
لو كان قيمتها ذا الايام تنمس
لكنها تبقى هدف مع وسيله
مبارك بن محمد الضعاوين – وادي الدواسر
منتيب وحدك تبتسم للدراهم
كلٍ يضحك ليتحصل على المال
يا بنت قولي الدراهم مراهم
تشفي الجراح وتجعل الكدش رجال
سعود بن عبدالعزيز الهزاع – نعام
مصروفنا هذا وجتنا الزياده
ستين بالميه تمام وكمالي
ابوي هذا سلمكم صار عاده
يومين والثالث تزوده ريالي
عبد الكريم النغيمشي - الربيعية
مرحبا باللي رسم صورة ملكنا
يا بكر من يحمل الصوره هلابه
من علامات الوفا أبنا وطنا
جمل الصوره لنا يا مرحبابه
بدر الحزيمي
البنت مفتونه بحب الريالات
تصرفها بالسوق بلحظه ودقيقه
ما تدري إنها ما تجي بالسهالات
هذا هو الواقع .. وهذي الحقيقه
عبدالله علي الحوشاني - الرياض
يا رب تستر على الشمعات
من كل حاسد لا يطفيها
وايديهن اللي بها ريالات
حصالتك لا تضيعها
عبدالكريم عبدالرحمن السلوم - القرائن
منظر البنتين بالعين محلاه
مع البراءه بسمةٍ في جمال
قبل ما تنشد عن المال والجاه
إنشد عن الأخلاق .. إنشد عن الحال
سعود عائش الحربي
ياما حلال في شكلهن كلهن زين
معهن من الأنواط اميه وأميه
يبن السوق يشرن لهن من الفساتين
وزودن على الفستان يشرن هديه
يا الله عسى تحرسهن ربي من العين
وتفكهن يالمعبود من الحراميه
خالد بن ناصر المخيمر - روضة سدير
صورة ابو متعب على العمله تلوح
ولولاه كان اقول صورة قديمه
حيث الريال من أولٍ يبهج الروح
وعند الطفل بهجه وفرحه وقيمه
عبدالعزيز الصالح - حائل
صورة العدد بعدسة الزميل إبراهيم الجبر
نستقبل مشاركاتكم على إيميل الخزامى
rb-khozama@alriyadh.com
أو الفاكس رقم 4871070
ونرحب بالصور الهادفة والطريفة