بيت وصدى

الأسبوع الماضي كان بيت الأسبوع من طرح الشاعر فواز المايق من الرياض والذي يتحدث عن قضية رسائل الجوال الدعائية من الشركات والمؤسسات والتي تخترق خصوصيات الناس والبيت يقول:
ياهل الدعايه في رسالات جوال
زادت وصارت كلها ازعاج بازعاج
وكان صدى البيت في تجاوب الشعراء:
كثر الدعاية في رسالات جوال
أمر مثير سبب ازعاج واحراج
ترسل لنا والقصد تجميع الاموال
ما فرقت ما بين تاجر ومحتاج
يا مقدم الخدمه نبي منك فالحال
حل ينظمها ويعطي لها علاج
ناصر بن جمعان آل عوض - وادي الدواسر
وش ذي الرسالة تالي الليل ياعيال
الله يكفينا من البلاوي والازعاج
افز من نومي وانا عجل بالحال
لا يكون أحد من الربع مبلي ومحتاج
واثر الرسالة الحق العرض لازال
مع كل 10 افران تحصل على صاج
عبدالله بن لافي - الرياض
الله يساعدنا على طولة البال
رسائل الجوال صارت للازعاج
ترى الدعاية بعضها تسرق المال
والمسألة تحتاج تفكير وعلاج
واليوم يا فواز في كل الأحوال
لابد ما ينشاف للوضع مخراج
عبدالعزيز العنزي
ازعجتوا العالم وغثيتوا الحال
من كثر ما ارسلتوا توذّن الابراج
ارجو لعل الامر يذهب وينزال
ونريح الاسماع من كل لجاج
كثر الدعايه مالها غير الاهمال
لا صار كلٍ يرسل الحاج والداج
علي رشيد الرشيد - رياض الخبراء
كثر الرسايل تزعج الناس يا رجال
وسط المساجد صارت ازعاج واحراج
لازم نشوف الحل في كل الاحوال
ترى الهدوء مطلوب والكل يحتاج
هذي دعايات بها الكل يهتال
طبيعة تحتاج لفتة مع علاج
محمد عبدالعزيز الخنيفر - أشيقر
يااللي ترسلنا عرفناك محتال
منته بمعطينا ولا عندك علاج
مره تباركلي على الحظ والفال
وتقولي مبروك خابرك محتاج
ندفع رسوم وتشتكي كثرة اهمال
واللي نبي نشكيله المشكلة ساج
حميد محسن عليثة الصاعدي
جلّ الدعايه كذب وازعاج للحال
لابد منها ينوجد أي مخراج
إما من المسؤول أو راع جوال
أو توقف الشركات مافيه ازعاج
واللي بلا أهداف أو منهج شال
أو من يدور حظ للمال محتاج
سعود عائش الحربي - القاهرة
بيت الأسبوع
من طرح الشاعر علي رشيد الرشيد تجاوباً مع مقترح ازعاج الدبابات النارية للمتنزهين ويقول:
يا راكب الدباب شرّك على الناس
اصوات وغبار وتشويه بيئات
نستقبل صدى البيت بثلاثة أبيات فقط تدور حول هذا الموضوع وذلك على الفاكس(4871070) أو الايميل rb-khozama@alriyadh.com
مقترح لموضوع بيت الأسبوع القادم
ارسله للصفحة الشاعر ناصر بن جمعان آل عوض من وادي الدواسر مقترحاً لموضوع بيت الأسبوع القادم وهو «العنوسة».