يا نجد غني

يا نجد غني واطرحي عنك الاحزان
واستبشري بالخير في كل دوره
جانا الخلف سطام من بعد سلمان
والكل منهم وافياتٍ شبوره
إعيال أخو نوره سلايل كحيلان
من غاب فالثاني يكفي حضوره
متوارثين الطيب ذربين الايمان
حكام نجد اللّي حموا دون سوره
سلمان مثل البدر نوره بالاكوان
وسطام بيّن وسط الاكوان نوره
وسلمان يروي كل من جاه ظميان
وسطام يعطي من كفوفٍ جسوره
وسلمان مثل الغيث لاحل هتان
وسطام روضٍ صادحاتٍ طيوره
وسلمان رمزٍ للتواضع والاحسان
وسطام يسعد اللي يجيه ويزوره
الله يخليهم ويعلي لهم شان
والله يديم العز لاخوان نوره
ويا نجد غني واعزفي كل الالحان
معهودة بالخير في كل دوره
رئيس مركز السيح الشمالي بالأفلاج