صوت الصورة

النوم سلطان والكوره توسدها
عقب التعب نام والنومه هي النومه
الله يستر يجي أحدٍ يشغلها
يقلق منام الولد ويخرب احلومه
وائل عبدالله البلالي - الرياض
أمي تقول اركض وخفف على السير
جسمك كبير وجد ما نتب رشيقي
وشلون اعشّق يا جماعه على القير
وأزوّد السرعه بشكلٍ حقيقي
عبدالكريم النغيمشي – الربيعية
سير المشي أصبح سرير المنامي
ولا لقا وسادةٍ غير كوره
ياما شرينا أجهزه باهتمامي
ونملها وتصير لعبة بزوره
أروى عبدالعزيز السالم – حائل
لو تدري ان العمر كله محطات
وان الطفوله يالصغيّر محطه
يمكن تقول ابني بالاحلام مولات
لو العشاء في يعض الاحيان قطه
عقاب بن سقيان العتيبي – الجمش
حب الرياضه حارقٍ قلبه إحراق
شوف الوساده قبل تقرا كلامي
والنوم سلطانٍ إلى حد الاشراق
يا رب تحفظ منهو على السير نامي
حمد عبدالله الوايلي - حوطة سدير
سير الجري فراش طفل ومخدّه
كوره عليها حط راسه معه ديد
يبي يتمرّن بس ما فيه شدّه
طفلٍ عسى ربي بعمره يزيد
سعود عبدالعزيز الهزاع - نعام
يا مرضع الطفل فوق السير
والراس من تحته الكوره
أنتا وطفلك بدار الخير
والرّجل ماهيب مقصوره
عبدالكريم عبدالرحمن السلوم - القرائن
يا كبرها والله من شرهه
لابيك وأمك مع اخوانك
خلوك وحدك بها الغرفه
تلعب على السير وحدانك
الكهربا تقلب الفرحه
تفريط شغلك وتركانك
مبارك بن محمد الدوسري - وادي الدواسر
سليت نفسي بمشاية رياضه
اتصور بأني فوق مرجيحه
وبدال هذا ارتجي منك الاعاضه
يابوي لا صارت احوالك مريحه
سعود عائش الحربي - القاهرة
الطفل بعد التعب نايم
عزاه لأمه ولاخوانه
منتب كبيراً وصايم
صغيراً والحال تعبانه
محمد بن فهد الجلعود - سميراء
دام ان هالكوره نديمك وسلواك
بكره نشوفك ترفع الكاس عالي
منور الكره وترضع سميلاك
واحلامك إنك نجم كبتن مثالي
علي جابر آل زولان الفيفي - بيشة
أخذت لي شوطٍ على السير تمرين
ورجلين تعبت والنفس بان صوته
ودي أريّح غفوة النوم للعين
ويعده بشوت كور شوته وشوته
خالد بن ناصر المخيمر - روضة سدير
صورة العدد
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
زاوية ( صوت الصورة )
ونرحب بالصور الهادفة والطريفة