ذاع الخبر ياليتنا ما سمعناه ذاع الخبر وان المصيبة كبيره سلطان شيخ الناس حنا فقدناه حزن يعم بلاد شبه الجزيره ياعل قبره نور وانحل ممساه وفي وسط قبره روضة مستديره مرحوم يا أمير كثيرة عطاياه وياما عطت من عائلات فقيره وكم واحد محتاج مطلبه لباه ومن عقب عسره اهتنى باليسيره والطفل والمحتاج عزه وواساه واعطاه لين العين صارت قريره وياكم يتيم اليوم يبكي وينعاه والارمله تنعاه في كل ديره في جنه الفردوس يا رب مثواه ومع الصحابة رفقته بالمسيره وتجعل مع الابرار يارب لقياه وفي ظل عرشك يا إلهي تجيره ليت الحيا يغشاه ويمر سكناه يسقي ثراه من المزون الغزيره مرحوم يا أمير كثيرة مزاياه حلال عقدات الامور العسيره هذا القدر مقسوم والكل يلقاه ولو طالت الايام تبقى قصيره عمير بن عبدالله العنزي
