بيت وصدى

الأسبوع الماضي كان بيت الأسبوع من طرح الشاعر دغيم فهد الخمشي والذي يناقش قضية تسجيل المحلات التجارية بأسماء النساء وهن لا ناقة لهن ولا جمل!!
وكان صدى البيت من المشاركين ليس كما عهدناهم مع خروج الكثير منهم عن قضية البيت المطروح، ومن المشاركات التي ناقشت القضية:
يخاف هالموضوع من قوله يطُول
باكر وبعده ثم تطول الجرجره
خصلة طمع في بعضنا دايم تحول
بينه وبين الصدق والحق أنكره
لا سامع ناصح ولا همِّه عذول
ولا يعذر اللي مخلص له وأنذره
بريدة فهد بن عقيل الطويان
راجي وشكله سلم والحي معزول
إلا ان كفيله زعل يمكن يدمره
وايلي رضا الكفيل فالوقت بيطول
بيجيب ربعه كلهم لو يومره
والبعض عند العامل تقول مهبول
العامل اللي سنده ويحدره
نعام غنام مسعود القريني
يا بلديتنا قولي وش نقول
التستر واضح في مظهره
والمراقب لا غشيم ولا خجول
والمخالف لازم ما يعذره
من مشى الشارع يحدث له ذهول
بالمحل رجال والمالك مره
روضة سدير خالد بن ناصر المخيمر
للمشكلة ياهل الوفا يلزم حلول
المرة وحظوظها متدهورة
ما حصل من حضرته ماله اصول
حقها ضايع ولحدن قدره
اسمها مأخوذ والمعنى يطول
من يرد الصوت صوبه يشعره
أشيقر محمد بن عبدالعزيز الخنيفر
وراجي يبيع ويشتري دايم يجول
مر يمين السوق ومر من أيسره
عز الله أنه صابني بعض الذهول
واللي يراقب لا حضر غض انظره
ياللي تراقب ليش ما تقدر تقول
عد الحقيقة قبل سرك ننشره
الرياض ابراهيم بن مسمار القحطاني
لو بغيت اتقول قلبي وش تقول
شق واسع يا فتى يا مكبره
ادخل البطحاء بسوقه ثم جول
يتضح لك كل شخص المتبخره
به رفيق وبه شفيق بلا وصول
كل واحد ما يقلده اعشره
فيصل سليمان العنزي
بيت الأسبوع
كتب بيت الأسبوع الشاعر سلطان بن حمد الحبابي من الطائف ويناقش قضية الاسراف في المياه وهي من أهم القضايا في جميع المجتمعات وليس على النطاق المحلي فقط، والبيت يقول:
معاً ياهل الترشيد والتوعية يا رجال
عن الماء وفضله نرشد فلان وفلانة
نستقبل صدى البيت بثلاثة ابيات فقط على أن تناقش القضية المطروحة، على فاكس 4871070 زاوية بيت وصدى، كما نرحب بطرح بيت الأسبوع على أن يناقش قضية اجتماعية هادفة تهم المجتمع.