صوت الصورة

يا طير وشبك شلت منّا معاليق
وش حاجتك يا غراب باللي تشيله
شلت البضاعه فوق حلّقت تحليق
عشك حديد اليوم محلا مثيله
عبدالرحمن بن منصور التركي - البكيرية
صيدك ثمين اليوم يا غراب معلاق
ليتك تصيد الطير والا الحباري
كسبك حديد اليوم طاقٍ على طاق
فكه وحطه فوق بر الصحاري
عبدالمحسن بن محمد المحيسن - رياض الخبراء
يا معتم الجنحان يا داكن الريش
يا ناقل المعلاق وش حاجتك فيه ؟
ناوي يصب العش والوقت تعشيش
خلا الغلا للطن بشوي يكفيه
سعد الحماد - روضه سدير
الطير سفّح معه معلاق
وش لازمه فيه ياكافي
لا فيه عيشه .. ولا ينذاق
عزالله إن السبب خافي
سعد الجبيري - القويعية
يا غراب وشبك على نقل الحديد محدود
أما تجيله سبب ولا يجيلك سبب
رأسك وجسمك وذيلك والجناحين سود
أنته تدور نشب .. ولا تدور شبب
جسار مهدي السبيعي - الرياض
يا طيرا بن برمان ويش أنت كاسب؟
الصيد وافر وانت صيدتك معلاق
عزالله إنك يا أسود الريش راسب
يوم إن غيرك سابق الشرد لحاق
عقاب بن سقيان العتيبي الجمش
الطير يحمل بالمناقير معلاق
من دون ما يعمل مع الربع تنسيق
ودّه يصوّت مير ما ينطق ابقاق
بس ايتفرج يرقب الناس ويويق
علي رشيد الرشيد - رياض الخبراء
غراب من شوفته جهّال تتطير
وعلاقةٍ شتاها بالجو كالعشه
الصوره اللي بها الافكار تتحير
يا خدعةٍ أو يبني بها عشه
سعود عائش الحربي - القاهرة
يا غراب عشك سلّحه من المعاليق
من دون شك أقوى من أطراف عدوان
مدري ذكا يا لبين أوحدك الضيق
مستعجلٍ والقش غايب من الاعيان
سعود بن عبدالعزيز الهزاع - نعام
يا غراب يا اللي خطفت السيم
وحلّقت فالجو طرباني
اليوسفي صورك بالكيم
وعلى الخزامى بألواني
حمد بن عبدالله الوايلي - حوطة سدير
غراب طاير قد رفع له حديدي
معلاق شاله يظهر يصنّع العش
لقطة مصوّر مستواها فريدي
صوره بعيده التقطها ولا ارمش
عبدالكريم إبراهيم بن خزيّم
يا غراب ياللي شايل اليوم معلاق
كله من أجل فراختك يسكنونه
العش مطلب لجله اليوم تشتاق
تحمي عيالك لجلهم يقطنونه
محمد بن عبدالعزيز الخنيفر - أشيقر
يا مصورين الطير في كبد السما
الطير في جوّه .. أنا في جوي
مطلوبكم بيتين في طير الفضا
وانا قصيدي بادعٍ به توي
ناهض بن طنف الكرشي
أبا نشد أهل العرف وبيش هي مواريه
الطير يقنص للحديد بيصيده
هو مالقا غيره من الصيد يكفيه
ولا إن تال الوقت بين رصيده
بدر بن خلف الحزيمي
يا طير ياللي فالسما عالي الجو
تلحق مطر ربي ورى كل براق
غريبةٍ يا طير والجو به نو
طيراً عجيب وماخذٍ له معلاق
سعيد فلاح الواهب - بيشة
يا طير يا شايل المعلاق
لاوين يا طير طاير به ؟
أو تحسب إنه بقايا ساق
لعيالك اليوم مصخن به
عبدالمحسن بن محمد الجريسي - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070 زاوية (صوت الصورة)
ونرحب بالصور الهادفة والطريفة .. ويا هلا
صورة العدد