اللغز

كان لغز الأسبوع من طرح الشاعر ناحي الحربي والذي يقول:
انشدك عن بنت مهي بمحبوبه
ما تستحي تاقف لكل المخاليق
ما هي بمزيونه لكن محسوبه
ياما جنت على كبار المطاليق
والنوم ما تلبس مع الناس ثوبه
ومصدقه في كل الاحوال تصديق
وقد كانت الحلول شعراً:
يعجبني الحربي بزينة اسلوبه
في حبكة الأبيات جوده وتنسيق
الحل ياصلكم ولابه صعوبه
هو كامرة ساهر على طول تطبيق
علي رشيد الرشيد - رياض الخبراء
ناحي نحاني نظم الاشعار صوبه
بعد الولي باللغز تخفيف للضيق
والبنت فعله بينات عيوبه
وساهر ابوها منزله بالزنانيق
فهد بن عقيل الطويان - بريدة
البنت يا ناحي لك الله اعجوبة
والقصد منها يا فتى الجود توثيق
الكامره ما هي تراها كذوبة
اتصور الواقع لناس مطافيق
عبدالرحمن الصغير
حييت يا راع الوفاء بالف نوبه
واللغز مضبوط ولا فيه تدقيق
ساهر وعينه للمعاند عقوبة
تضبط مسار الناس هم والمطافيق
عبدالمحسن بن محمد المحيسن - رياض الخبراء
ياللي تمشى بالبلاد ودروبه
احذر ترى به كيمره للمطافيق
ساهر عيونه للمخالف عقوبه
ترصد جميع اللي يخالف بتوثيق
صلاح بن عبدالله اليابس - رحيمة
حليت انا لغز غدا به اعجوبه
حل امتأني ما هو حل المطافيق
الكاميرة في ساهر ما دروا به
اتخالف المسرع ولو صار في ضيق
محمد صالح الأطرش - رياض الخبراء
لغز الخزامى سهل مابه صعوبه
ويسلي الخاطر ولو كان به ضيق
في (كيمرة) ساهر ثواب وعقوبه
وفيها علاج للشباب والمطافيق
وفي جوفها برق خفي عجوبه
واذا شعق فزت قلوب السواويق
صالح بن عبدالله الجلعود - القراين
** كما توصل للحل نثراً:
راشد عبدالرحمن اليابسي المطيري من مهد الذهب.
لغز الأسبوع
كتبه للصفحة الشاعر جسار مهدي السبيعي من الرياض ويقول:
الفحل في مقدم الذود والا من وراه
الحقيقه ما بعد شفت مثله بالعيون
اسود من قدم واللي ورى مثل الرغاه
له بنات وله عيال على شكله يجون
البنات لمقدمه والعيال ليا قفاه
قبل ما تطلع عياله بناته يطلعون
من جمال الكون والحسن والوضع انتباه
يظهر الله من بناته ثلاث يفتنون
** نستقبل الحل على الفاكس (01/4871070)
أو الايميل rb-khozama@alriyadh.com