يا ويل من فكر يمس السيادة

يا الله يا مثبت على الحق ومعين
ياخالقن كونه ورازق عباده
يالواحد اللي يبدل العسر بالين
ويسير الدنيا على ما أراده
تحفظ وطنا من شرور المعادين
وتحفظ لنا شيخ(ن) على الدرب قاده
وسلام يا ذخر العرب نصرة الدين
يالقايد اللي تستحق القياده
أشاد بك شعبك بكل الميادين
وايشادتك بالشعب أجمل اشاده
الله يمد بعمرك سنين وسنين
وتلبس من ثياب العوافي جداده
يلي مكانك في قلوب الملايين
نفداك يالشامخ قوي الاراده
ياراعي الجزله سليل الميامين
زرعك لنا بالخير نجني حصاده
وبحكمتك لنا مكان وعزيزين
في كل يوم العز يكبر زياده
خادم بيوت الله وريف المساكين
عبدالله الرايد فنار الرياده
خلا الوطن نهضة عمار وبساتين
وعاش المواطن في أمان وسعاده
ياكثر ما حنا بظلك سعيدين
والشاهد الله فوق قولي شهاده
ما يختلف على محبتك شخصين
يا قدوة العالم شعوب وقياده
ملك يرجح مايلات الموازين
تاريخ يزهاه الفخر بامتداده
مخرص السنت العدا والخسيسين
وكعام من ينوي بغدر وحقاده
وحنا أمام وخلف ويسار ويمين
رجال أبو متعب بعزم وجلاده
دون الوطن نفتك بجمع المعادين
والجيش يردعهم بكامل عتداده
ورجالنا في الحرب تقدم وجسرين
ويا ويل من فكر يمس السياده
تركي بن مدعج