حنا شعب مع قادة

سرى فكري على قب الخيول الصافنات وغار
على جمع لفيف وحقق اسمى انتصاراته
بعدها دنوا الأوراق والأقلام والأحبار
أبنزف من شجى روحى قصيد تذهل ابياته
سلام الله على الحكم السعودي والنفوس كبار
سلام فاح نيروزه وذاعر في مساحاته
هل المجد التليد اللي بنو في صفحة الاخبار
علوم تدهش الكاتب وتسهر في كتاباته
تجمعنا على وحدة عقيدة في جهار نهار
تحت ظل العرى الوثقى سرينا في مسافاته
كتاب الله والسنة سندنا لا لتوى الدوار
لجنا للكريم اللي عظيمة دوم مداته
إله الكون سبحانه هو الرحمن والغفار
عظيم الشان سبحانه سخية دوم نفحاته
رعاك الله يابو متعب حماك الحافظ الستار
لأنك مسلم صادق على وعده ونياته
فديتك يالمليك اللي محطم شوكة الاشرار
معك لآخر نفس (حنا رجل) يا كبر هقواته
وحنا راية وحدة ولامنا أحد بوار
ورثنا العز من بيض السيوف وقو صملاته
على أهل الشر مردود البرى والنار قدم النار
عليهم من غضب ربي حريق قل جمراته
قلوب غرها ذاك الخبيث الخايب الغدار
وعميل معلن حقده خسيس في محطاته
عقايب كلهم والله عقايب والصغار صغار
أحلو نهج حرمه الإله بمحكم آياته
وطنا ياوطنا لا تزعزع لو بدا المكار
على رجمه يروجح للجماعة فوق راياته
ترى حنا سلايل من سلفنا صحية الأبرار
تأسسنا على نهج الرسول وصدق كلماته
وحنا شعب مع قادة، يدينا بالسماء تندار
قطعنا دابر اهل الشر روحاته وجياته
فيصل بن سبيّل الباهلي