فز الخفوق وقلت هذا مجاله للشعر وقفه والمشاعر تمناه الحمد لله والشكر والثناء له اللي ليا ضاقت علينا دعيناه ربٍ كريمٍ كل خلقه تِساله حفظ لنا صقر العروبه وعافاه الوالد اللي كل شعبه عياله وأكثر شعوب الأرض تعيش بحماه عبدالله اللي ما نحبه لحاله نحب من حبه ولا نقبل عداه خادم بيوت الله بحاله وماله نِهيم في حبه والأرواح تفداه ملك قلوب الناس من طيب فاله من حبه الله زان للناس مسعاه نرفع له كفوف الدعاء والولاء له يا لله عسى صدوف المنايا تعداه فاروق عصره في زمانه لحاله الله يحفظه سيدي لا عدمناه رجل السلام اللي زهاه وزهاله اسمٍ على مسمى ولا شك يزهاه العادل الصالح عزيزٍ مِقاله شفاف واضح صادقاتٍ نواياه الوافي اللي كل شعبه وفا له الله يمدد في حياته ويرعاه عاش المليك و طيب الله فاله سلامته من هامته لين ماطاه والشكر لله والحمِد والثناء له فرحة وطن والشعب فرحٍ بمولاه دام الفرح يا رض النبي والرساله والله يِعِزّ الدين ويدَمِّر عداه هذي مشاعر شاعرٍ في مجاله غنا فرح من خافقٍ حقق مناه د. فارس بن علوش بن بادي بن دبيان
