ودع الأحزان حاول ماتضيق

ودع الأحزان حاول ماتضيق
وش تبي بالهم جرب ودعه
كفكف دموعك وحاول ماتريق
وأطلب الرحمان همك يرفعه
مايكلفنا ورى ماحن نطيق
ومايريد ابنا يكود المنفعه
الصبر خله خليلك والرفيق
وكل مؤمن ربنا يوقف معه
الفرج دايم نهاية كل ظيق
ثق برب الكون وحده ثم طعه
جدد احساسك بدايه بالشهيق
واحبس أنفاسك شوي وطلعه
ابتسم بسمه لها لون وبريق
الحياه أصلا تراها ممتعه
حدد أهدافك وبين لك طريق
وطور ابداعك قبل لا تطلعه
حث أقدامك الى قمة طويق
الوطا مافاد رجل ن يتبعه
لايعيقك عن طموحك مايعيق
الحماس يشب نار مولعه
كثر أحبابك وشكل لك فريق
يدفعك قدام وانته تدفعه
الاهل والجار وثالثهم صديق
ثروة ن ماكل من راد اجمعه
واعرف المال والعلم الوثيق
ملك مايفنا مع عز وسعه
ضف عليها الجود وحجاج ن طليق
تجعلك انسان عال ن موضعه
هذه الافكار بمعناها العميق
من قراءاتي ومن ما أسمعه
قد تفيد انسان في الدنيا غريق
جاه كم ضربه ولكن موجعه
ناصر بن هذال آل شري