الدار تطلب يجيها الريف عبدالله

جانا بشير السلامة باللي نجلله
الله يهنيه والدولة يهنيها
ونرز الأعلام ونزف الفرح كله
لعيون من عزز الديرة وأهاليها
يامسوي البن عجل صبة الدله
قدام أبو متعب تفوح وهيلها فيها
فنجالها مثل دم الريم لازله
والزعفران المصفى رايق فيها
مده ليمنى عزيزة والعزيز الله
صقر لداره وسيف اللي يعاديها
واذبح كبار الفقار النيب قدر له
ومن الغنم لا تجيب الا نواديها
للحاكم اللي عطيناه الولا كله
خادم بيوت ولي العرش واليها
حاكم يمينه تسل السيف وتعله
لامن تعلت كبار الروس ينهيها
صقر العروبة لاجاها جاء الطرب كله
مدات يمناه تعطينا حلاويها
يومك ولد شايب حمى أرضنا كله
من سجه الهجن حافيات سماريها
معها خيول تلتها كنها أهله
لين أثبت حدودها وأسس مبانيها
يالله عسى جنة الفردوس دار له
من عايس اصعابها يلقى حلاويها
والشعب كله همومه شوف عبدالله
ماهمهم قاصي الدنيا ودانيها
ورياضك العاصمة تطلب لك من الله
يزول عنك الآلام اللي تعانيها
الله يزول المرض عن دامح الزله
اللي على دولته حسناه مضفيها
والدار تطلب يجيها الريف عبدالله
ريف لداره وضد اللي يعاديها
يا ملوكنا اخوان فهد اخوان عبدالله
افعولكم لاقرينا نفتخر فيها
نقول بالله بعد ونردها لله
ما مثلكم فاول الدنيا وتاليها
وصلاة ربي على اللي ربنا جلله
اللي بعث لامته بالحق يهديها
وضحى عبدالله السهلي