الوطن مشتاق لك

يا والدي كل الوطن شيب وشبان
انت الذي ما غير شوفك يبونه
هذا الوطن مشتاق لك واللقا حن
هذا الوطن من شوقه ابدا ظنونه
هذا الوطن يبدي على كل الاوطان
هذا الوطن يضمنا في عيونه
هذا الوطن في كل وقت(ن) وله شان
هذا الوطن ارضه تعانق مزونه
هذا الوطن طيبة وفزعة وشجعان
هذا الوطن يا كثرهم يحسدونه
هذا الوطن ارض السماحة والايمان
هذا الوطن من كل فج يجونه
هذا الوطن ارض النبوة والاديان
هذا الوطن مختار من دون كونه
هذا الوطن يشتاق له كل ولهان
هذا الوطن كم عاشق(ن) يعشقونه
هذا الوطن للخير معنى وعنوان
هذا الوطن صعب(ن) على اللي يخونه
هذا الوطن يفرح له القاصي والدان
هذا الوطن ربي يعلي شؤونه
هذا وطن عبدالعزيز الذي بان
هذا وطن سعود وفيصل ياعونه
هذا وطن خالد ومعه الفهد صان
هذا وطن عبدالله والروح دونه
هذا وطن سلطان وسلمان لاهان
من غير شرع الله ما يحكمونه
يا والدي شفت الوطن شيب وشبان
يفدونكم بالروح واللي تبونه
متعب بن قاعد العنزي