بيت وصدى

الأسبوع الماضي كان بيت الأسبوع يتحدث عن مشكلة قبول الطلبة والطالبات في المدارس الحكومية والبيت يقول:
بلشان ما ادري وين اودي عيالي
كل تعذر والمدارس شحيحه
إن كان جيتك عامر بالريالي
سجل إعيالك والمدارس فسيحه
خل الهموم وخل عنك الهبالي
يد العطا ولا اليدين الشحيحه
يمكن يصير إبنك صاحب معالي
وكل يوم طلعت شمس تاكل ذبيحه
فهد العنزي - عرعر
وكان صدى الشعراء رائعاً تعتذر عن البعض من الأصداء التي كانت تحتوي على نقد غير هادف.
من الذي يصدع بحل مثالي
يطلع بفكر للحلول الصحيحه
ومن الذي عنده جواب السؤالي
يفزع لنا عند الوجيه الفليحه
نرجو من المولى بتال الليالي
انهي فرجها بحال مليحه
علي رشيد الرشيد - رياض الخبراء
الوضع هذا لازم انه يزالي
يدرس دراسه مستفيضه صحيحه
لابد من حل سريع بحالي
توضع حلول للجميع ومريحه
واظن هذا واجب لا محالي
لنه يمس عيالنا اغلى شريحه
مقرن بن متعب الهرف
جيت المدير وقال ياهما لا لي
افصولنا يا خوي زحمة وريحه
دن الدراهم واحتزم بالريالي
دور لك اهلية وتلقى المديحه
قلت العوض في مقبلات الليالي
ارجوك سجلهم وعندي ذبيحه
إبراهيم المهنا - بريدة
طلابنا والطالبات الغوالي
يشكون من ضيق المباني وريحه
يا عل فيصل سيدي ما يبالي
يجعل عويصات المشاكل مريحه
امره بعد منش القنوف الثقالي
نافذ ولا يحتاج منا قريحه
علي آل زولان الفيفي - بيشة
جيت المدير وقال ما به مجالي
العذر جاهز والاجابه صريحه
قلت اذكر اللي فوق يا ابن الحلالي
نصيحه يا زينها من نصيحه
ثم اتخرج ثم قال هات العيالي
لو الفصول صغار ما هي فسيحه
زبن مقبل العنزي - بريدة
الاغلبيه قال ادفع حلالي
وسد باب شايف منه ريحه
احطهم فاهلية بالريالي
يوم رفصونا في عباره صريحه
نطلب من الله ثم راع المعالي
يحط توجيهه ويعطي نصيحه
سعود بن عبدالعزيز الهزاع - نعام
بيت الأسبوع
من طرح الشاعر حمد عبدالله الوايلي تجاوباً مع مقترح قضية بيت الأسبوع الماضي حول اعتذار الجامعات عن قبول أعداد كبيرة من الطلاب والطالبات أو القبول في تخصصات غير مرغوبة والبيت يقول:
الطموح اللي تأمل من سنين
ضاعت احلامه بباب الجامعه
تستقبل صدى هذا البيت بثلاثة أبيات حول موضوع قبول الجامعات للطلاب والطالبات وذلك على الفاكس (4871070) أو الايميل
Rb-khozama@alriyadh.com
مقترح لموضوع بيت الأسبوع القادم
بعث للصفحة الأخ بدر السويدي مقترحاً لموضوع بيت الأسبوع القادم وهو موضوع غلاء أسعار الأراضي وعدم قدرة شريحة كبيرة من الشباب لشراء قطعة أرض.