عواكيس

* الأخ معوكس هل قبضة البلاك بيري أصعب من قبضة التحكيم لدينا، وهل سلمت من عيون ساهر، قل الحقيقة ترى موضوع عادي؟
متعب صويان- الرياض
- بعد الكارتين الأصفرين في مباراة القادسية والفتح نقول الله يستر، فالبداية غير مشجعة، وإلا اتركونا نستعين بفايز المالكي.
•اول مرة اعرف يامعوكس ان محمد نور أقوى من كل إدارات الاتحاد بدليل انه غاب أيام كثيرة عن التدريبات، لا يكون أنت واسطته؟
احمد باسالم – جدة
- إلا ياليت هو يتوسط لي الرجال ما أحد يقدر عليه، لا وله أكاديمية يعلم الصغار كرة القدم بس عساه ما يعلمهم التمرد على النادي.
* الصديق العزيز معوكس ماهو برنامجك اليومي في رمضان وما هي الأكلة التي تتفنن في طبخها، لاتقول الشكشوكة؟
ناصر الرويجحي - الحناكية
- برنامجي ابيض وأسود أنا مثل شياب مال قبل صلاة وعبادة ومع يمنع بعض المباريات التي توسع الصدر.
•ليش ايها المتعوكس يبتسم ياسر القحطاني عندما أضاع ركلة الجزاء امام الشباب، وبعدين ماهو رأيك باللي سواه حسن معاذ في نهائي النخية؟
متعب الشمري
- ياسر ما عنده غير هالابتسامات يوزعها والمستوى مدحدر، وحسن معاذ ما هي غريبة عليه، يا خوفي إنه يسويها في بطولة آسيا ويحرج فريقه.
• من برأيك يا استاذ معوكس الفريق اللي رايح يحصل على نجم الأسبوع الاول في الدوري إذا كان فيه تصويت؟
براك الطريخم – عرعر
- صاحب ال400 بطاقة
ياسر القحطاني
• ممكن تفسر لي يامعوكس رسوب 23 من 30 في اختبارات الكوبر، يعني المندي عمل عمايله؟
جري الشويعر - الهفوف
- ما لها تفسير رسوب في عز القايلة ومع هذا بتشوفهم بكرة يتندحون في الملاعب ويبلشون هالفرق ويا مالك من تطنيش ركلات الجزاء.
•سمعت يامعوكس انك بتصير مسؤول مركز إعلامي في فريقي المفضل، ياوليك ان أقدمت على هذه الخطوة وجيت على حساب صديقي، رايح أسلط عليك واحد «سمسار» يحشك على الريح، يعني بالعربي نضمه ل (حملة تدسيم الشوارب ) وأول واحد يهبل فيه أنت؟
نواف الرشيد – الرياض
- أخاف إن رئيس النادي يتأمر علي مع بعض ربعه في المنتديات ويحشوني بالنيابة عنه أو يرسل بعض المقربين منه ويدسم شواربهم وهات يا حش.
•صراحة يامعوكس تصريحات مهاجم الأهلي واندرسون جدا رائعة وهذا دليل على انه هداف ويدل الباب والا ومش معنى يحزن تشلسي واجاكس على توقيعه للاهلي؟
ناصر التخمي – جدة
- اللي نشوفه إن اللي تألق العماني والا البرازيلي جيد في التصريحات وبعدين الأهلي ناوي البطولات هذا الموسم ست مهاجمين دفعة وحدة أجل الخطة هجومية بحتة وراحوا فيها وليد عبدربه وربعه من بيساعدهم في الدفاع.
•الصارم والقوي معوكس وش معني يوم درب القروني منتخب الشباب جاب معه احمد زايد ويوم درب باخشوين الناشئين صار مع صالح خليفة معه اداريين عقبال ما أدرب أحد الأندية وأجيب كل اصدقائي معي؟
فهد العوض- بريدة
- انت جبتها من الآخر كل يجي ويجيب ربعه يعني كلنا عيال قرية لكن الشرهة ما هو على القروني أو باخشوين الشرهة على الخبير هوييه اللي وافقهم، فهم يقولون هو اللي اوصى باختيار مدربين وطنيين لكنني متأكد أنه ما وصى بأحمد زايد أبد.
• الأخ العزيز معوكس حبيت أسألك أنت ضد أم مع الاستثمار في الشمغ، وبعدين ليش ما تسوي مزاد على أقلامك إلا كنها عيدان حطب؟
حمد النمر- نجران
- اليوم شمغ وبكرة كبكات، لا وبيجي اليوم نشوف العقل مخططة وملونة ترى هيئة المحترفين متطورة جداً لا ويقولون حنا نقلد الانجليز في التسويق طيب الخواجات عندهم شمغ.
•العزيز أبو العواكيس كل سنة وأنت بألف خير.. الحين طبيب الهلال راح ومساعد المدرب راح وش القصة وليش ما طلعت مشاكلهم إلا مع بداية الموسم أم أن في الأمر حكاية بيرحون مع خويهم جيريتس؟
عبدالملك المرشد- ابو فهد- عرقة- الرياض.
- الله يستر بعد لا يلحقهم المديد والمغيربي ومرجان.
•صديقي الدائم جداً معوكس.. بعد الجولة الأولى من ترشح للدوري؟
حمد الدوسري ابو مبارك – العزيزة –الرياض
اثقل يا ابو مبارك يمكن السنبوسة والشوربة مثقلة عليك بدري التوقعات لكن معروف من اللي بيفوز بالدوري والفريق اللي بيفوز بالتصويت والفريق اللي بيفوز بالبيانات والفريق اللي بيفوز بالاحتجاجات.