عواكيس

* صديقي المحترم معوكس ماهي توقعاتك للمنتخب بعد المعسكر الأخير واللاعبين الصاعدين من الأندية العالمية؟
صديقك معاذ الحميد – مرات
- بعد المعسكر الاخير يبي لهم شهر يمرخون بالفكس!
*أستاذ معكوس أنا قررت أن أشتري أحد الأندية وسيكون أول قرار تعيينك مدير الإدارة العامة " للبيانات" ومشرفا عاما على جهاز نحشات اللاعبين الأجانب فهل أنت مستعد لهذه المهمة؟
محبك عبدالله القحطاني - بيشة
- المشكلة ماعندي سماعات بلوتوث!
*السيد معوكس صباح الخير من تتوقع يحقق كأس العالم؟
عبدالله العبيوي - ابونايف - حي المصيف
- منتخب سدير
* أبوالعواكيس ودي اخاويك بالباص لليمن منها نشجع الأخضر ومنها نستمتع بالمناظر الخلابة في ربوع اليمن السعيد؟
بدر اليعقوب – القيصومة
- ما أركب الا خط البلدة!
* عزيزي معوكس ما شاء الله على أعضاء شرف الهلال عمل بدون اختلافات مما يزيد الزعيم قوة؟
اخوك المشجع النصراوي الوفي لافي صالح العنزي
- بدون اختلافات ودعم دولارات!
*العزيز معوكس تصدق اني حاط يدي على قلبي خايف تستقيل من منصبك؟
نواف المسلم – تبوك
- يارجال صارت موضة استقيل في الليل وبكرا ارجع بناء على طلب الجمهور!
*عزيزي عكوسي هل تؤيد ان يقام دوري المظاليم تحت الانوار الكاشفة؟
نمر المعدي - القيصومة
- يقام فوق الرمال الحمر طابت لنا السمرة!
احمد الصويلح
*السيد معوكس: ليش لاعبي الخليج يحترفون عندنا ولاعبينا مايحترفون برا؟
عوض المهباش- عسير
- ما يقدرون على الغربة وفراق المندي والمثلوثة والسهر!
* الساخر معوكس هل شملتك حملة (تدسيم الشارب) نحن نحب لك كل خير عشان تصيف برا؟
فهيد العباس – الدوادمي
- انا سعري غالي بالحيل
*لم تبين لنا يامعوكس رأيك في معسكر المنتخب وتصريحات بيسيرو؟
فالح الرويضي – عرعر
- كنه دورات بعض الموظفين حضور يوم وآخرتها ناجح بامتياز!
* من يستحق برأيك جائزة (البربرة) المجانية عبر الفضاء، جاوبني لا تلف وتدور؟
ناعم النويمسي – حفر الباطن
- الأكثر بيانات ومداخلات ونحشات!
* صاحب المليون رسالة ابو العواكيس انا ودي اعرف وشلون السهلاوي يقول انه سجل هدف في مرمى اسبانيا والكورة ضربت في ظهر سلطان النمري؟
صديقك بندر العصاي - عنيزة
- مادرى يحسب انه في كأس العالم!
* عزيزي معوكس تتوقع محمد العنبر وأحمد الصويلح لو ينسقان من الهلال يرجع يطلبهما ثانية بالملايين؟
عبدالملك المرشد - عرقة
- لاعاد ذي صعبة الدعوى حلا يمكن يطلبهم برشلونة!
* الغالي معوكس ليه عبدالرحمن القحطاني ما حضر توقيع عقد انتقاله للنصر مع الدوسري والسلهام؟
عبدالرحمن الضويان -العليا
- الظاهر موعودين بنحشة جديدة!
* قاهرهم وحابس دمهم معوكس وش رأيك بوصف رئيس اعضاء شرف الاتحاد لبعض اعلاميي الفريق بالمنحطين؟
عاشق العميد سلطان الصالح
- معذور ويستاهلون ماجاهم!
*الغالي جد العواكيس كلهم ليش الاندية تعسكر برا في الصيف ماعندنا مصايف ومناطق باردة!
حمد الدوسري ابو مبارك
- مناطق باردة مافيها الا برشومي او معمول!
* البارع معوكس وش الحل مع طلاب الجامعات اللي مايلتزمون بمنع التدخين؟
عبدالله السنيدي - جامعة الملك سعود
- مالهم الا ساهر!