صفحة الذكرى

طوينا صفحة الذكرى على خد الهوى المجروح
على حد الزمن ناقف نعزي حبنا فينا
على كف الندم نبكي ويبكي حبنا المملوح
بكينا حظنا العاثر وجمر الحزن يكوينا
مسافات الجفا تكبر ويكبر جرحنا المفتوح
وبين الدمع والعبرة أشوف الهم يدعينا
قتلنا لحظة الفرحة مع اللحظة تموت الروح
نعزي حالنا فينا ولا أدري من يعزينا
بكا ليلي مع دمعي وأنا عبرة تجي وتروح
بكينا جرحنا ينزف ظلام الحزن كاسينا
ذكرت الموعد المنسي لقيتك حبي الممسوح
هناك الشارع الموحش ظلامه حيل يشقينا
أنا في داخلي صرخة أنا في دنيتي مجروح
مسافة بيني وبينك دروب الحزن تطوينا
أنا مات الأمل فيني أنا فيني يزيد النوح
على باب العتب ناقف نعاتب حب ماضينا
ذكرت الليل يوم انك معي عذبة وهرج مزوح
على خدك قمر سامر نناجية ويناجينا
وهذي صفحة الذكرى طويناها حزن وجروح
نهاية دربنا المظلم بكينا له ويبكينا