وين المسافة

على وين المسافه يا الطريق الموحش المهجور
مشيت ولا لقيت الي عليه اشكي معاناتي
بديت استثقل الخطوه واحس بعتمة الديجور
غفا صبح السما والريح من بين اضلعي عاتي
على عكازي الهالك ادور للمسافه نور
رغم عنف الصحاري للأمل جريت خطواتي
صدحت بصوت زفرات الألم ياحلمي الميسور
وداعك جرح مايبرى ولا يستوعب اسكاتي
اذا ما للجفا حيره انا ليه اتبعك مجبور
واذا ما همك اشتاتي !!!.......من اللي يجمع اشتاتي
تعال وشفني مشيًب على باب الرجا مقهور
تعبت انخاك عن وجه الضلام ودمع ضيقاتي
تعذرلي عن غيابك واقول ان الوفي معذور
اعيش بعذر متهالك ..ولاحيرة متاهاتي
اشوفك ناوي تقفي وانا مابين باب وسور
سهرتك لين ما عافت عيوني طيش نظراتي
احبك كثر مالجة ضلوعي من غياب وجور
احبك كثر ماكان الجفا يستوحشه ذاتي
احبك يا بعد جرح الغريب التايه المذعور
احبك كثر مااحتجتك..... كثر نزفي ولوعاتي
احبك كثر ماكنت بغرامك يا الغلا مغرور
احبك من بدا عمري معك لاخر محطاتي
حبيبي ما قدرت انطق غلاك ولا وصفت شعور
عجزت اوصف كبر قدر الغلا من رعشة اشفاتي
عبدالمجيد بن جاسم العنزي