اللغز

الأسبوع الماضي كان لغز الأسبوع من طرح الشاعر باني فايز السبيعي والذي يقول:
انشدك عن عود حيي بعد ما مات
عود مخضرم كان بالجاهليه
واليوم في عصر الرخا عاد باثبات
اثبت وجوده واستحق الهويه
وله بنت باسمه تستحق الاشادات
قبل رجوعه كانت البنت حيه
وقد توصل للحل شعراً..
يا دحيم شب النار والكتب لي ابيات
ابيات حل اللغز والنارحيه
الحل سوق عكاظ واثبت لك اثبات
موجود بالطايف بقرب الحويه
محمد أبو دحيم - البدائع
هذاك سوق عكاظ فخر البطولات
سوق الشعر هو والعلوم الفنيه
وبنته جريدة شالت اسمه باثبات
صفحاتها تثري العقول الذكيه
خالد رديني الثبيتي - الرياض
ياباني السبيعي سلام وتحيات
اسمع وللسامع سلام وتحيه
عكاظ له سوق للاشعار بالذات
ما هو بعيد عن مطار الحويه
فهد بن عقيل الطويان - بريدة
عود سمية بنت هذي علامات
السوق سوق عكاظ قرب الحوية الحمادي
ياباني الفايز سلام وتحيات
اللغز وارد صار له قابليه
والحل سوق عكاظ ما به مراوات
وبنته جريده للمواطن وفيه
علي رشيد الرشيد - رياض الخبراء
حييت يا راع البيوت الجديدات
الوافيه بالوزن والشاعريه
اني بنى لغز بعيد المسافات
عكاظ سوقه صار له قابليه
عبدالمحسن المحيسن - رياض الخبراء
لقيت حل اللغز وارسلت الابيات
للصفحة اللي بالقصايد غنية
الحل سوق عكاظ بارض الحضارات
شرق المطار اللي شمال الحوية
خالد بن نايف الحنيني - الدليمية
يا مرحبا ترحيبة بالتحيات
لاصحابنا تاصل تحيه تحيه
عكاظ سوق الشعر يصدح بالابيات
عود عقب ما كان بالجاهليه
صلاح بن عبدالله اليابس - رحيمة
هناك سوق عكاظ وعكاظ بالذات
شرقاً من الطايف جنوب الحويه
للنابغة بالسوق حكماً ووقفات
في خيمة الشعار حل القضيه
عايض عوض الحربي
اللغز بين لي ولابه متاهات
سوقاً تجدد بأمر حام الرعية
وبنته عكاظ اللي تجوب المسافات
تنشر لنا الاخبار صبح وعشية
بندر سعيد الطريسي - القصيم
لغز الأسبوع كتبه للصفحة الشاعر عبدالله عوض الله العوفي من الحناكية ويقول:
ويش ورعان يسدون اللزوم
رغم نخف الجسم كل في شقاه
ماسكين بعمهم ساعة يقوم
في ذرا والبرر يلفحهم هواه
نستقبل الحلول على الفاكس 4871070 أو الايميل rb-khozama@alriyadh.com
كما يسرنا المشاركة في طرح لغز الأسبوع