الخير عم ديارنا والفرح عم الجو رايق والمناظر بديعه يحلا لنا المكشات والشمل ملتم سبحان رب الكون هذا صنيعه سعد الحماد يا زين صفَّت مواترهم من خير ربي تشوف الناس يا ليتني كاشتن معهم وانزَّل النجر والمحماس عبدالكريم عبدالرحمن السلوم - القرائن صورة بديعة صاغها خالق الكون بين الحزوم وبين حد النفودي عقب ما هي قاعاً فضاء ما بها لون جاها لها سيلاً تعداء الحدودي زبن مقبل العنزي - بريدة ياللي جلست أقول لا تامن السيل بعد مكانك لا تجي في طريقه كم شال بدربه من بيوت ورجاجيل وكم واحداً خلاه ينعى رفيقه عنيزان فهيد العدوني - بريدة السالفه ما هي سباقات رالي أوقف قبل حد الخطر لا تقعبه صحيح منظر زين والسيل غالي نشتاق له مثل أبوغتره وربعه جلعود لافي الشمري - حائل الفيضه الليَّ علَّها كل وادي مثل البحر زامت على الطعس وانزاح من ضاق له روضة مهنا تنادي من شافها ينسى همومه ويرتاح فهد بن عقيل الطويان - بريدة شفت المواتر على الغدران في صيهت دونها هجله ذي منوة الحضر والبدوان كم واحدا متعب رجله شبيب بن حمود القحطاني - المزاحمية طعوس وسيول والخيرات موجودة وافراحكم لا تصير اتراح وأحزاني الكل منكم عليه أن يلزم حدوده وخلوا التهور نصيحه قلت ياخواني محمد بن عبدالعزيز الخنيفر - أشيقر الصوره اللي شوفها يشرح البال في منظر خلاب والله فظيعي صورة فظيعه كنا عقد سلسال ما خطها رسام منظر طبيعي عبيد فنيس الوهبي - بريدة منظر التصوير للمنظر طبيعه وين موقع هالمناظر من بلادي ثبّت أحداثه لجل حزة ربيعه مانتيه الدرب يمّه ياسنادي محمد بن فهد الجلعود - سميراء يا زين شوف النفود وشوف ماطرها ما طبها الشاوي اللي يتبع لشاته وفيها النشامى توسع عن خواطرها في جو غايم وفيه الناس كشاته طعيميس هابس العتيبي - الرياض يا جلسة تأخذ عقول الجماهير على ضفاف الطعس والسيل جاري تسلم يمين اللي سعى لك بتصوير ما ناقص إلا النار ودلة بهاري خالد بن ناصر المخيمر الحمد لله عمنا خيراً عظيم دركل علينا أيام يا عله يعود سحباً تقافت ما فتر برق وهزيم عمت الوديان ودكت بالنفود صالح بن عبدالعزيز السويح - روضة السدير يا عمر شغل المجلان وحددلي وين موقعهم بالبر ماسكروا البيبان ربي على الزين جامعهم معيض مليح الغضوري - الرياض كن السواويق بتشرّب مواترها عند معزر ما يطوفه كود تمساحي أرجع على النفد يوم الرب ساترها لو انطلاقه رباعي وانت سباحي سعود عبدالعزيز الهزاع - نعام النفد ممطور والجال سايل يروق جوالي وكشت رايق البال يالله تعله من صدوق المخايل ويا أهل المواتر شطروها عن الجال حمد عبدالله الوايلي - حوطة سدير من لا يحسب حساب الأمور وعواقبها تنبيه الأيام بفعلن يكدّر الخاطر أبعد عن السيول وخلّك في مراقبها تغنم بنفسك بحول الله القادر فليّح بن حسين الفهيدي - قصيباء الله وأكبر يا جمال الطبيعة في هالنفود اللي على خده السيل قفَّت دهور البر وأقبل ربيعه الله يعلّه فالليالي المقابيل عبدالعزيز بن عبدالله البواردي - شقراء نرحب بمشاركاتكم الشعرية حتى مساء الاثنين على الفاكس رقم 4871070أو الايميل الخاص بصفحة الخزامى: [email protected] زاوية: (صوت الصورة).. وياهلا
