بيت وصدى

الأسبوع الماضي كان بيت الاسبوع من طرح الشاعر عبدالله مذكر المطيري تجاوباً مقترح الأخ عبيد مونس حول موضوع عدم إبلاغ المرور لصاحب السيارة المفقودة بعد العثور عليها.
وكان البيت:
الحرامي صار يسرق ما يخاف من الرقابة
والمرور ليا لقى الموتر يحجزه ما يعلم
وقد كان صدى البيت:
المرور ليا نشدته عن بلاغي وش جرابه
قال جار البحث عنها لا لقيناها نكلم
عندما رحت اتطلع حجزهم ياللغرابة
شفت ذاك الموتر اللى فاقده وانا أتألم
قمت اصفق باليدين وحالتي جاها إكتآبه
ما حصلي شي يعلي يالمرور اسلم وسلم
سعود بن سعد الحافي - الرياض
أمر موسف منه الرجال يخرج عن صوابه
شي يجبر كل رجل بمفرده عنه يتكلم
لو بقى الموتر سنة بالحجز ما حي درا به
الامر هذا حقيقة منه الكل يتألم
كل مسؤول يهمه ما ذكر يحسب حساب
نبغي شاهد عكس ما تم ذكره يامعلم
سلطان بن حمد ابوشقاف الحبابي - الطائف
والمفحط لا لقاله موتر داير سرابه
والمفرط ضر نفسه واجب إنه ما يكلم
والأمن مشكور جهده واضح كل درابه
من جحد دوره يغالط نفسه او انه محلم
فهد بن عقيل الطويان - بريدة
نبغى جد وفعل صادق مع حزابه
والمرور اخطى ولكن وش يرده ما يكلم
وش يوجه بالقناة وبالاذاعة والكتابة
ودنا بالحل عاجل ما نبي شي امتثلم
علي رشيد الرشيد - رياض الخبراء
والسؤال اللي نقوله ودنا نلقى الاجابة
وكل بيت له صدى لكن وين اللي يتكلم
في زمان راحت أيامه مع أيام المهابة
والمواطن من كثر ما يسمع السرق يتحلم
بس نبغا من المرور اليا لقى الموتر وجابه
يتصل ولا نبا رفع خطابات التظلم
بدر الشويب - البدائع
بيت الاسبوع
تجاوباً مع مقترح الأخ علي الدهري حول موضوع كثرة المدارس الأهلية دون وجود المضمون الموازي لما يدفع من المال. وحول هذا الموضوع أرسل للصفحة الشاعر فهد عقيل الطويان من بريدة ويقول:
التجارة والمكاسب غايته وأول هدف له
شي ما ينكر ومعلن مطلب التعليم الأهلي
نستقبل صدى البيت بثلاثة أبيات. فقط حول هذا الموضوع على الإيميل:
Khozama@alriyadh.com
أو الفاكس
4871070.مقترح لموضوع الاسبوع القادم
بعث للصفحة الأخ فهد نايف ساير العتيبي مقترحاً لبيت الأسبوع القادم وهو موضوع كثرة الأخطاء الطبية وما تسببه من فقدان للحياة وأحياناً كثيرة تسبب في عاهات مستديمة والمواطن هو الضحية.