بيت وصدى

الأسبوع الماضي كان بيت الأسبوع من طرح الشاعر رضا دبيس العبدلي من البكيرية حول موضوع قرار الاستقدام من دولة البنجلاديش والبيت:
هذا قرار المنع والكل يبغاه
أمن البلد مطلوب في كل حاله
وقد كان الصدى أكثر من رائع ونعتذر لمن لم ننشر صداه لوجود بعض التجاوزات:
هذا قرار كان حنا نتمناه
واليوم جاني بالجريدة مجاله
هذا قرار يفرح القلب طرباه
ليته استعجل في قرار العمالة
مساعد رباح الرشيد - الرياض
قرار يشكر من سعى فيه وأمضاه
لو الخطا منا وقل الجزاله
لو المواطن ما تستر ولا أغراه
في زود راتب ما يخون الكفاله
فهد بن عقيل الطويان - بريدة
بيت الصدى ساعة لغبنا قريناه
صفحة خزامى تنشره طاب فاله
يالله عسى العمال ترحل مطاياه
ويبقى الوطن بأبناه ما به كفاله
محمد أبو دحيم - البدائع
الأمر يسعدها ولا عاد ننساه
الله يعز اللي ومر به وقاله
اللي يهدد امننا كيف نبغاه
ما ينبغي شكله ونكره مجاله
علي رشيد الرشيد - رياض الخبراء
كثرة عماله والرقم وصل أعلاه
والهارب إللي زاد في أمر البطاله
تجمعوا سوات من داه برداه
ومهما أجرموا طالتهم أيدي العدالة
حمد عبدالله الوايلي - حوطة سدير
يا مصدر لقرار شدد على اعضاءه
أما تنفيذ المنع ولا استقاله
العضو الفاسد بيننا الكل ينفاه
مطلوب تسفيره بحال العجاله
فليح مهجع الجعفري - الرياض
تسفير البنغال واجد مذاياه
قرار صايب والتستر جهاله
نحسبه ضعيف أو نبهتنا سواياه
من الطمع لو يقدر البنك شاله
صالح عليان الحربي - الرياض
اللي سكان البلد يسفك دماه
وافد تلبس بالحيل والختاله
حتى العيون الساهرة نفذ اطغاه
رجال الأمن ومشيدين العداله
سعود مناحي العنزي
سلم على اللي حرر المنع وأملاه
عسى السعد يلقاه والخير فاله
أصدر قراره والمخاليق ترضاه
استبشروا به يوم سمعوا مقاله
سعود بن سعد الحافي - الرياض
قرار صايب ومن عمل شي يلقاه
وهاذي العماله ما بها جماله
يسعون بتخريب بالعين شفناه
تصنيع خمر وغير ذلك رذاله
فايز فرحان السويلم - فيضة بن سويلم
اللي يفسد ما نبي غير فرقاه
وابن البلد مطلوب ياتي بداله
هذي طبايع كلنا اليوم عفناه
قوموا على أهل الشر وأهل الخماله
محمد بن عبدالعزيز الخنيفر - أشيفر
بيت الأسبوع
أرسله للصفحة الشاعر سعود عائش الحربي من القاهرة تجاوباً مع مقترح لافي حمود العنزي حول قضية نظام مكتب العمل والزحام الشديد لاجل استخراج التأشيرات والبيت يقول:
تأشيره العمال صارت معاناه
روتين مع وقت وزحمة طوابير
نستقبل صدى البيت بلاثة أبيات فقط تدور حول هذه القضية على الفاكس 4871070أو الأيميل khoizama@alriyadh.com خزامى الصحارى - زاوية بيت وصدى.
مقترح لقضية بيت الأسبوع القادم
بعث للصفحة عبيد مونس موضوعاً لطرح بيت الأسبوع القادم وهو سرقة السيارات ومفاجأة وجودها في حجز المرور دون إخبار صاحبها.