بيت وصدى

الأسبوع الماضي كان بيت الأسبوع من طرح الشاعر/ سعود عائش الحربي والذي يدور حول موضوع الزحام الشديد على مكتب استخراج التأشيرات والبيت يقول:
تأشيرة العمال صارت معاناه
روتين مع وقت وزحمة طوابير
وقد كان الصدى أقل من المتوقع من زاوية النقد الهادف والموجَّه ونأمل أن تكون الأصداء القادمة فيها من النقد الهادف ما يخدم المجتمع:
الكل مشغول وشغله بدنياه
ومحفي قدامه بكثر المشاوير
الشخص مجبور بشي تبلاّه
ليت المكاتب تفتح الصبح وعصير
علي رشيد الرشيد - رياض الخبراء
لا جيتهم شفت المخاليق تملاه
لا مراجع يقضي ولا حسن تدبير
الكل مغبون وعلى الله شكواه
يشكي من المحصول عقب المشاوير
سعود بن سعد الحافي - الرياض
مكتب مهم واكثر الناس تنعاه
من راجعه يشكي كثير المشاوير
ان كان مالك معروفه في زواياه
على الله المعبود حسن التدابير
صالح عليان المخلفي - الرياض
يا ناس يا هل الحق والعرف والجاه
ياللي لكم بين الرياجيل تقدير
في مكتب العمال نبغا مساواه
ولا فيه أحد منا يفضل عن الغير
عبدالله مذكر العقيلي المطيري - الرياض
إذا تعصّن الفيز ما لها دواه
إلا براع المنشئه يشغل الغير
يضطر ياخذ من تخلف ويبغاه
ويعوض عن اللي ما حصل منه تأشير
سعود بن عبدالعزيز الهزاع - نعام
في مكتب كل أكثر الناس تنصاه
ما فيه ترتيب ولا فيه تدبير
والوقت يمضي والسنع ما لقيناه
ولازم يصير لوضعنا اليوم تغيير
مبارك بن فراج بن شاهر السبيعي - رماح
والحل واحد يا هل العرف قلناه
نبي لها تنظيم همه وتطوير
وتنحل ازمات كثيره مللناه
وكل شي بالترتيب فيه التباشير
محمد بن عبدالعزيز الخنيفر - أشيقر
بيت الصدى جانا وحنا قريناه
لا تتعبون انفوسكم بالمشاوير
خلو شباب المملكه يكرب اخطاه
من دون تأشيره ومن دون تصوير
محمد أبودحيم - البدائع
وإلى استلم رواتبه من طلبناه
يهرب ودور زود راتب مع الغير
وكان انسجن قسم الجوازات يحماه
ياقف بصفه شاف حشمه وتقدير
فهد بن عقيل الطويان - بريدة
عليك بعيال البلد رب يحماه
لا بد نسعدهم كما نسعد الغير
ما بالعماله فود ياكود بلواه
والمال من أسبابهم راح تهدير
فهد الحربي - القصيم
بيت الأسبوع
تجاوباً مع مقترح الأخ عبيد مونس حول سرقة السيارات ووجودها في حجز المرور دون اخبار صاحبها قال الشاعر: عبدالله مذكر المطيري هذا البيت لزاوية بيت وصدى:
الحرامي صار يسرق ما يخاف من الرقابه
والمرور ليا لقى الموتر يحجزه ما يعلم
نستقبل صدى البيت بثلاثة أبيات حول الموضوع والتركيز على عدم إبلاغ المرور لصاحب السيارة والتواصل عبر الفاكس:
4871070أو الإيميل
khozama@alriyadh.com
مقترح لموضوع بيت الأسبوع القادم
بعث للصفحة الأخ علي الدهري من الرياض موضوعاً لبيت الأسبوع القادم وهو كثرة انتشار المدارس الأهلية بصورة ملفتة للنظر والاهتمام بالمظهر وإغفال المحتوى.