معوكس

في زمن الاحتراف
تبون الصراحة.. روحة رونالدو لميلان ضغطتني وخلتني أفكر بنفسي وعمري اللي ضيعته وأنا مسوي اني مهم ولا أحد درى عني.. المهم قلت في نفسي وليه رونالدو أحسن مني؟ يكفي ضروسي أحلى من ضروسه..
وقررت توقيع عقد احترافي مع الجريدة من اليوم.. وأكشف شكلي الحقيقي للجماهير.. وش رايكم فيني.. مانيب مملوح.. اكيد انكم منقهرين - من وسامتي - انتظر ردودكم على الشكل الجديد لأن هذا شرط الجريدة لاستمراري كمحترف والا بيحولوني لهاوي.. الفزعة يالربع!!
أخوكم
معوكس
@ السلام عليكم اخ معوكس: قرأت باحدى الصحف السعودية بأن هناك نادي سعودي لم يعلن عن اسمه سيحسم منه 6نقاط من الدوري المحلي. من تتوقع؟
اخوك - ابو صقر
- مالك أمل احد قالك انه الرياض
@ الأستاذ معوكس ابو العواكيس يقولون ان النصر يطفش لاعبيه بكثرة القرارات وقلة الراتب؟ هل هذا صحيح؟
شبابي ابو منقاش - الرياض
- التطفيش وصل حتى اعضاء الشرف.
@ معكوس بعد التحية 1- اعتقد غيابك الاسبوع الماضي (بدون تنويه) راح يسبب مشاكل في انتخابك لموسم قادم 2- ابارك للزعيم البطولة 3- شرايك بأرضية الملعب في النهائي وسقوط اللاعبين دون احتكاك.
عادل - الرياض
- الملعب ظنوا انها مباراة تزلج على العشب
@ معوكس وش رأيك تحول زاويتك للراديو ومتى حتصدر بيان رقم
1.كرماوي
- انا مدمن مؤتمرات بس اخاف اروح مثل راعيها.
@ شوف يبو العواكيس بقلبك دكتور بس عادي انا من طلع الشباب من كاس ولي العهد وأنا مرره ضايق صدري بشكل غير طبيعي والنفسية تعبانه بقووة تكفى والله الشباب يستاهل التأهل.
شبابية مووت - الرياض
- ترى شغل المطبخ يونس الصدر.
@ الأخ معوكس تصدق اني ماهضمتك ما ادري ليش لكن ما عليه يمكن لأنك تستخف دمك غالبا لكن لا تشره علينا خذ الحكمة من افواه المنسمين.. سؤالي وش رايك بمستوى لاعب النصر مشعل المطيري؟
أبو منقاش - الرياض
- دمي خلقه خفيف بس انت اللي"منقاشك" داج.
@ معوكس يا معكوس الله لا يهنيك.. باضروسك اللي كنها صف قوة.. لاشفت انا طلتك مع شرف اذانيك.. وشواربن تعطي صفات الفتوه.. اطلب ولي العرش انه يعافيك.. هذا الكلام واللي تسويه سوه؟
شاعر الشخصيات المهمة - الرياض
- انا اجيزك وفالك مسكة الباب
@ الاخ معوكس انت اهم واحد عندنا في الجريدة وانا متابع لك منذ اكثر من 12سنة اما الشكل شبيه رونالدو بعد عام 2030وهو مدرب عندنا.
صديقك متابع قديم - ابو مهدي
- ونقول عنه مافي راسه كوره
@ استاذي وربي اموت فيك - من المحلل الشايب وكاتب الغفلة؟
درة الزعيم - ريما
- يا ريما روحي ساعدي شبابية موت
@ الأخ معوكس سلام مني اليك خاص وسؤال لغيرك عام تجيبه دون مناص إيش هو التوقيع الي بجانبك لا يكون دعاية بوت ريفوو حنا مو دارين؟
اخوك ابن الشماسية - م. ابو زيد الهلالي
- العالم دخل الألفية الثالثة وانت تقول "بوت" للحين
@ يا أستاد معكوس حبيب الملايين مين تتوقع يحقق بطولة الدوري هذه السنة وتتوقع مين يحقق جائزة افضل لاعب اللي تقدمها الرياضية وموبايلي حسب خبرتك الرياضية.
ماجد الزامل - حائل
- الدوري لبطل التساهيل وافضل لاعب اكيد تفاريس
@ شوف بسرعة بدون سلام وسري للغاية لمصلحتك شكلك مقبول بس انت مهبول. كثر من فيتامين(واو) وتتعافى وتحقق احلامك بدون كشف. ولا تنسى تشاور، برنامج (99) وتسلم
أملاك محمد - الشماسي
- أملاك بصك والا بدون
@ الى فخر الصحافة العربية وصاحب المليون رسالة: الا ترى انه حان الوقت لتنزل الى المستطيل الأخضر وتبرز قدراتك الكروية.
أحمد العتيبي - حي اليرموك
- عقب "فخر" انت احسن واحد يراسلني
@ الأخ معوكس لاحظنا بعض الجماهير خرجت مبكرة من نهائي الكأس بعد تسجيل الهلال الهدف الثاني ماهو السبب برأيك.
مطلق السائر - جازان
- تذكروا انهم معزومين على عشاء وخافوا يزعل "المغزب" اذا ما جوو
@ صديقي معوكس وش سالفة "النفطي" له اربعة اشهر ومسوي فيها اربعة مشاكل.
سالم الخالدي - عنك
- التون مبلغة انه اذا حقق رقم قياسي في "المهاوشات" ممكن يحترف في اوروبا.