كنز القناعة بين الأحباب موثوق

كنز القناعه بين الاحباب موثوق
ثابت ولا يفنى عروقه قويّا
دارك كما نخله لها تمر وعذوق
وليا طلْعت يقل قدرك عشيّا
لا تكحل عيون الغلا جمرة العوق
تعمي نظرها دون تفكير حيّا
احذر ترى ما كلّ طيراً له سبوق
الصقر لا تشويه جهْل وزريّا
فالصيف ضيعت اللبن وانت مطفوق
فرصه وفاتت صعب ثاني تهيّا
حلاة ثوبك لو به الشق مفتوق
رقعتْه منْه وفيه ماله حليّا
وش عاد تخفي في ضميرك من حقوق
يخرجه ملاس الحقايق نديّا
الدم يبقى دم بالعرق مسيوق
ماهو بماء لو كان عظمك طريّا
لا يخْدعك بّراق لا لاح بالموق
سراب للضامي ولا فيه ريّا
ما طار طيراً وارتفع فالسماء فوق
الاّ وقع لو كان يكفخ عليّا