كتب لغز الأسبوع الماضي الشاعر حاتم عبدالله الغريري من الشنان والذي يقول: ابغى انشد اللي فاهمينن بالالغاز وانشر لنا يابورجا بالجريده وش بنت له فضل كبير به اعجاز غطت على رجلين شافوا مكيده اول وثاني حرف جر اذا جاز وثالث الى آخر حرف غطى حديده وخامس وثاني حرف مع الالم عاز وسادس وثاني حرف عشره اكيده والذين توصلوا للرمعة الصحيحة : مشكور يا حاتم على طرح الالغاز سلام ياصل للشنان البعيدة حله تراها عنكبوت بمركاز بيته ضعيف في سياق مجيدة علي الرشيد - رياض الخبراء هذي هي الالغاز ياربع الالغاز تشغيل فكر وجاب فكره جديده العنكبوت اللي بنت بيت وانجاز وجا باسمها صورة وحكمه اكيده خالد إبراهيم المرشود - الرياض في صفحة خزامى ترى الكل يمتاز ويلقى القصايد من قديم وجديده لغزك ياحاتم يبغى شاهي ومركاز وفكرن عميقن يختصر به قصيده هي عنكبوت في خيوطه شف اعجاز غطت على سيد البشر مع عضيده صالح بن إبراهيم السنيدي - الحرييق ( الوشم) الشكر للصفحه وربعٍ به عزاز وللي صنع لغزٍ بديباجه جديده عنكبوت الحل بالأذكار فاز أهون البيوت او هِيه به سعيده سعود عائش الحربي- جده اللغز حليناه ماعاد يعتاز يامحرر الصفحه علومك مفيده العنكبوت اللي لها شكل ممتاز غطت على خير البشر مع عضيده معجب العضياني لغزك ياحاتم حاز تقدير ممتاز وابشر بحله فاالبيوت الفريده على لحن لغزك ماهو لحن نقاز عسى ليالك ياالغريري سعيده العنكبوت الحل ماعاد يعتاز الله يجعلها ضد شين العقيده بانتلها ساتر على الغار وحراز وانجت رسول الله ونجت عضيده منير مذكر متعب العضياني يامرحبا باللغز وابحله احراز في ابيات شعر كلبوها جديده والعنكبوت اللي فعلها فاز تبدا بخيط ناعم ثم تعيده في الغار تنسج وتحط برواز وتسكره بحكام وايضا تزيده على النبي وصاحبه خير انجاز تاه العدو فيهم بعلم وكيده حمد عبدالله الوايلي - حوطة سدير لغزك جميل وبين الالغاز فاز حيث انه يذكر بالدين والعقيده والدين لاشك الكل له منحاز حلها العنكبوت إجابة أكيدة محمد السعيد - جلاجل لغز الأسبوع كتب لغز هذا الأسبوع الشاعر: محمد البشري من رياض الخبراء ويقول : ويش الذي فعله يسوى على الارض ولا يكتمل ياناس الا بثنتين وحده تجي بالطول والثانيه عرض ياكثر من سواه منول وهالحين نستقبل الرمعات والحلول خلال أربعة أيام من نشر اللغز على الإيميل: [email protected]