فلاّح يجني مِن رطب نخلة الخير متحمله بَحَلى رطب واحلى مذاق

ياللي تخرف من النخل ماهرٍ فيه
تخير من اللون عطنا من احلاه
نقدمه للضيف لاجا نقهويه
رمز الكرم في بلادنا ما نسيناه
يا زين لونه في النخل في علاويه
في قطفته متعه.. ويا زين مجناه
سليمان عبدالعزيز السنيدي - الرياض
فلاّح يجني مِن رطب نخلة الخير
متحمله بَحَلى رطب واحلى مذاق
في مهنةٍ يحبها فيها شطير
يطلب الرزاق وهَّاب الأرزاق
في موطنٍ منها على ارضه كثير
متميزه في حبها وسط الأعماق
سعود عائش الحربي - جدة
يا زِين اللى وصلت روس الدخيني
ثمٍّ قعدتَ تخرف العذق بالهون
تبي تقهوى مع حد الوالديني
قهوة سعودية وقمتم تهرجون
نصايحٍ.. والاّ عن الاوليني
وشلون عيشتهم قضوها بها الكون
محمد مقحم المقحم - الرياض
طلع نضيدٍ في روس الشواهيق
يانع مستوي على خضر الجريد
واشوف صرامه تعلّى في وثيق
مجود كرّه ويجني ثمرها ما يريد
يجمع المحصول منها ما يليق
في السوق غالي مجلبه ويزيد
على اوله فرصه وطلعه شفيق
محلاه والفنجال في يوم جديد
حمد عبدالله الوايلي - حوطة سدير
صورة العدد السابق
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com