بيت الأسبوع الماضي كتبه للصفحة الشاعر صالح البشري من الفويلق، ويقول: يا مدعي بالكذب حكم ضميرك دمرت بالبهتان سمعة شريفين وقد كان صدى البيت من الشعراء رائعاً كما اعتدنا منهم: الكذب عن سِكَّته ربي يجيرك تراه درب اللي عن الحق غاوين والصدق جعل الله ينور بصيرك تكسب بِه الدَّارين.. درب الميامين والكذب لا تجعله مره خشيرك وتضر بِه اعراض ناسٍ عفيفين سعود عائش الحربي - جدة ما قلتها لأجل استفزك واستثيرك لكن حبيت اذكرك ياملا الزين محمد الحربي ذكرى لعلك تكف شرك وخيرك الميل ما تصبر عليه البعارين عبدالله السالمي من قبل ماترحل وتلقى مصيرك يوم الحساب ونصب الموازين عبدالملك الحربي لكذب شره مايغطيه خيرك لاتظلم الاجواد في كذبك الشين نايف محمد آل عيد - الرياض انشهد انك تايهن في مسيرك الكذب شين وصاحبه ناقص الدين محمد عبد العزيز الخنيفر - أشيقر حبل الكذب قصير وانت وضميرك الظلم والبهتان دمر ملايين خليف فهيد الحربي - الرياض هرج هرجته يالدويني بغيرك ثبت كلامك بالحجج والبراهين عبد الله القديري - العطار والله ماينفعك تدمير غيرك أكيد يرجع لك من النار ضعفين حمد محمد الحنو - عودة سدير هذا حقود ولا اعترض في مسيرك دقه على خشمه ويفهم فهيمين حمد عبدالله الوايلي - حوطة سدير بيت الأسبوع كتبه للصفحة الشاعر عبدالعزيز الصقيري من حايل، ويقول الشاعر: يازين وجه الأرض من عقب الامطار يالله عطى برضا وبارك بما اعطيت نستقبل صدى هذا البيت خلال أربعة أيام من نشر البيت على إيميل الصفحة: [email protected]
