يا دارنا دار الوفاء دار الأمان

يالمملكة لك يوم متميّز وغير
يادارنا دار الوفاء دار الآمان
أنت ِملاذ الكل يا منبع الخير
فيك الحرم نوره على الكون قد بان
وأنت ذرا للكل مبدأ وتقدير
والمغترب لاجاك يسعد ومنصان
ويوم الوطن يوم الهناء والتباشير
تباشروه شعوب وأفراد وأوطان
جاها معزي مع رجال. مناعير
رد الحكم والشر ولاّ من أزمان
عبدالعزيز اللي يقود الطوابير
موفّقه رب السماء عالي الشان
خلفه رجال صامدين ومغاوير
ما خيّب الوافي طليقين الأيمان
هذا معزّي للعدو كان نحرير
ماهيّبه راع الردى كان من كان
حوّل على المصمك بحكمه وتبصير
خلا العدو ليله كوارث وبركان
من بعده أبناءه على المنهج تسير
تحكم كتاب الله بالسيف شامان
حل الأمن والكل يارد على البير
والخوف ولاّ وأصبح العدل ميزان
واليوم عهد الخير منهج وتطوير
عهد الوفاء عهد السعد عهد سلمان
مليكنا له مننا كل تقدير
أبو فهد رمز المحبه والإحسان
ومحمد الوافي تطوّر وتنوير
على السياسه أبيض الوجه لاهان
مع سيدي نمشي مسافات وانسير
ونسابق العالم برؤيه لها شان
والختم صلو عد ما طاير يطير
على النبي الهاشمي نسل عدنان
عبدالكريم إبراهيم ابن خزيّم