تزدان بك ولاية العهد يا امير

يا سيدي سلمان يا منبع الخير
منصبك يفخر فيك ياطيب الفال
تزدان بك ولاية العهد ياامير
حيث أن لك في قمة المجد منزال
والله ما اقول انك عميد المشاهير
إلا انت أسطورة وبالمجد تختال
في وجهك نشوف السعد والتباشير
وفي طلتك هيبه وإكبار واجلال
يا معطر سيرتك بالفعل تعطير
حتى اصبحت منهج يدرس للاجيال
لك في قلوب الشعب حب وتقدير
لجلك لهم حققت صعبات الآمال
ولك في سجل المجد ياامير تسطير
والخير بك معقود يا سمح الاقبال
ولك بالسياسة بعد نظرة وتدبير
ولك رأي ما يخطي وتجريب وافعال
ولك كلمة حرة وقوة وتأثير
ولك موقف ثابت بتفصيل واجمال
ولك همة فوق النجوم السواهير
ولك هيبة منها المناعير تهتال
ما اصلب قناتك بالليال المعاسير
حيثك لصعبات المشاكيل حلال
سم على العدوان ينذر بتدمير
وبلسم على شعب فخر فيك وزلال
وسيع بال وتسمع الشور وتشير
قوي قلب تثبت بوجه الاهوال
تعطي عطى من لا يهاب المخاسير
والكل يشهد لك جواد وبذال
ما للعطا من فضل خيرك معايير
وانت بمجال البذل ماتحسب المال
تبذل كثير المال وتغيث وتجير
واصبحت بالمعروف مضرب للامثال
وبنيت لايتام الجزيرة مقاصير
واغنيتهم حتى نسوا ماضي الحال
وعقب العسر صاروا بخير وتيسير
من فضل خيرك وانت كساب الانفال
تعيش يا محبوب كل الجماهير
والله يزيدك عز في كل الاحوال
ويحفظك ربي عن صدوف المقادير
وتبقى لنا عز ولنا بعزك ظلال
يا شبل من خلى عدوه عشا الطير
بطل ومن هيبته تحتاس الابطال
ليث بهوماته يشق الطوابير
شهم وله هقوات عراض وطوال
وحد بلدنا بالسيوف البواتير
وأسس لنا ملك قوي ولازال
وخلف لنا عقبه رجال مناعير
وما مات من خلف لنا مثلك اشبال
وما احتاج في حب الوطن زود تذكير
حيث ان حبه واجب ما به جدال
وعدواننا اللي مثل نفاخة الكير
ماتوا بغيظ قلوبهم موت الانذال
عطاالله بن سليمان العطاالله - الزلفي