من لا ادرك الطولات بأول شبابه خاب وخسر بالمرجلة ماتملك

كان بيت الأسبوع قبل الماضي من قصيدة قديمة للشاعر رضا بن طارف -رحمه الله- والذي يقول فيه:
من لا ادرك الطولات بأول شبابه
خاب وخسر بالمرجلة ماتملك
ونظرا لكثرة من كتب صدى لهذا البيت فقد جزأنا الأصداء لجزأين:
للمجد والنوماس وقتِه وبابِه
وترى الفتى لا شاب وضعِه تَحَلَّك
أوَّل نهارك يِفْتِرِق عَن غِيابه
وما ينفع الشباب إذا الوقت زَلَّك
ومِن حطَّها أساس فالمجد جَابِه
وخِذْ مِن تِجارِيب المراجل تِدِلَّك
سعود عائش الحربي - جدة
اقروا حديث المصطفى في كتابه
خمسٍ تبديها على خمس لاجلك
ابحث عن الماضوع واحسب حسابه
من قبل ما تفنى حياتك وتهلك
تقنّص الفرصات مثل الذيابه
تكسب ويكسب بعدك الناس وأهلك
نكسب معيشتنا بجد و ذرابه
ناخذ ونعطي لين الاحوال تسلك
moh mm9@gmail.com
من باول المشوار ضيع ركابه
يبقى على درب الضياع يتهلك
جال الهدف يصعب عليه اقترابه
كنه ينادى بصوت خلك محلك
إلا موفق عاد وادرك صوابه
بامر الولي دربه قباله تسلك
ومستقبله أمسى رقي ومهابه
والماضي وفكره بعزمه تبلك
عايض الميلبي
صدقت ياراس الوفا والذرابه
ياعل جنان الخلد فيها محلك
الرجل لاشيب ولا احد درابه
ما ينفعه ماله ولو هو تملك
بكرا حلاله يا رثونه ذيابه
جماع مال بالفشيله تدلك
عيسى المطيري - الرياض
بيت الاسيوع
كتبه للصفحة الشاعر سعود عائش الحربي من جدة ويقول:
ما يبلغ العليا شُفُوقٍ على النوم
ولا يعتلِي طيرٍ مِن الريش منتوف
نستقبل صدى هذا البيت خلال أربعة أيام
من نشر البيت على إيميل الصفحة:
rb-khozama@alriyadh.com