من لا ادرك الطولات بأول شبابه خاب وخسر بالمرجلة ما تملك

بيت الأسبوع كان من قصيدة قديمة للشاعر رضا بن طارف -رحمه الله- والذي يقول فيه:
من لا ادرك الطولات بأول شبابه
خاب وخسر بالمرجلة ماتملك
وكان صدى البيت من الشعراء:
من باول المشوار ضيع ركابه
يبقى على درب الضياع يتهلك
جال الهدف يصعب عليه اقترابه
كنه ينادى بصوت خلك محلك
إلا موفق عاد وادرك صوابه
بامر الولي دربه قباله تسلك
ومستقبله أمسى رقي ومهابه
والماضي وفكره بعزمه تبلك
عايض الميلبي
الحر يفهم بالاشارة جنابه
يعشق لحب الطيب نعم التملك
واللاش مفلس من بعيد او قرابه
سوى التمني في لعلك وخلك
صالح البشري - الرياض
اقروا حديث المصطفى في كتابه
خمسٍ تبديها على خمس لاجلك
ابحث عن الموضوع واحسب حسابه
من قبل ما تفنى حياتك و تهلك
تقنّص الفرصات مثل الذيابه
تكسب ويكسب بعدك الناس واهلك
نكسب معيشتنا بجد و ذرابه
ناخذ و نعطي لين الاحوال تسلك
محمد عبدالله الشهري - جبل اثرب
كل ٍ على الطلات يشعب ركابه
ومن لا يطوٌل الطايله ما تفلك
فاول شبابه ما يجي له مهابه
خسران وعلومه ترى ما تظلك
تبقى سراب ٍ في تخاتيخ غابه
ومن يدرك الطالات دربه يدلك
على طريق مطوعين الصعابه
اللي لهم ذكرى تشَرّف محلك
مشعل بن صنت العصيمي - الخرج
شباب عمر الرجل فيه الذرابه
وان فاتك الطيب النقي ما احد دلك
الطيب رجم يتعب اللي رقى به
اما صعدت بعزم او طحت كلك
سعود غازي الحمدان - حائل
بيت الأسبوع
كتبه للصفحة الشاعر سعود عائش الحربي من جدة، ويقول:
ما يبلغ العليا شُفُوقٍ على النوم
ولا يعتلِي طيرٍ مِن الريش منتوف
نستقبل صدى هذا البيت خلال أربعة أيام من نشر البيت
على إيميل الصفحة:
rb-khozama@alriyadh.com