بيتٍ له سنينٍ على العهد باقي خلّوه متحف للآثار القديمه

البيت فالماضي يشيّد من الطين
من نص قرنٍ كانت الناس تبنيه
الشمس تدخل باحته والهوى الزين
صحي طبيعي ما دخل فيتمن فيه
رغم البساطه للكرامه عناوين
الدلال رسم ذكرياتٍ لراعيه
شرابهم من الزير يعبى بمواعين
من جاء يبي البارد قراحٍ بيرويه
سعود عبدالعزيز الهزاع - نعام
بيتٍ له سنينٍ على العهد باقي
خلّوه متحف للآثار القديمه
أبدع به التصوير والمجد فاقي
يا دار لك قيمه وهيبه عظيمه
وتاريخك مسطر على كل راقي
ياللي تبي الماضي وتاريخ قيمه
قم بالزياره عجل الوقت لاقي
شف وتبصر ماضي يالصتيمه
حمد عبدالله الوايلي - حوطة سدير
منظر من الماضي له الروح تشتاق
بيتٍ قديمٍ حاوي تراث الاجداد
صوره تهز الروح من كل الأعماق
نذكر بها الماضي ويا ليت ينعاد
يا ماحلا مع طلعت الشمس مشراق
يضم كبار السن أولاد .. وأحفاد
خالد ناصر المخيمر - روضة سدير
بيت قديمٍ من عصورٍ قديمه
رمز التراث وشاملٍ كل الأمجاد
رمز الوفا وأهل القلوب السليمه
الطيبين اللي جماعات وأفراد
ليت الزمن يا ناس يرجع وينعاد
سطام المسردي - الرياض
نرحب بمشاركاتكم الشِّعرية،
وما تلتقطه عدساتكم
من الصور الهادفة والطريفة
على إيميل الخزامى:
rb-khozama@alriyadh.com
صورة العدد
صورة العدد السابق