رحله سعيده يا هل البر مكشات حول النبات اللي من الله مسقى

جلسة محبة بين الأصحاب محلاه
قلوبهم متوالفه صدق.. وإخلاص
مكملين العفش في كل معناه
محملين الجيب والزود بالشاص
صفة معاميل على النار مركاه
ما فيه بالعزبة تخلف وتنقاص
على الرشيد - رياض الخبراء
يا زين شوف البر مع نبت الأشجار
ومع خوة الواعين قلب.. وبصيره
اللي على البيئه تحافظ من اضرار
وحطوا رواق اهل الوجيه السفيره
ودار الفلك ثم اعتدل جو الأسفار
زانت مكاشيت الونس والمسيره
حمد عبدالله الوايلي - حوطة سدير
الجلسه اللي تجمع أطوال الايمان
برضٍ نبات وفالديار الخليّه
يازين جلستها تحت ضل الاغصان
وضون شعام وفوقها الشاذليّه
منير مذكر العضياني
رحله سعيده يا هل البر مكشات
حول النبات اللي من الله مسقى
يحتاجها الانسان في بعض الاوقات
عن المدينه روح غربي وشرقى
فيها الضجيج وزحمةٍ في الممرات
فيها البواري تسرق النوم سرقى
محمد عبدالله الشهري - جبل اثرب
جلسه تسر القلب دايم على الكيف
خصٍ ليا صاروا ربوعك نشامى
واليوم زان الجو يوم اقبل الصيف
مع الرفاقه.. والرجال الكراما
بارضٍ بها المرباع زين السواليف
في ظل طلحه مع حسين الكلاما
محمد عبدالعزيز الخنيفر - أشيقر
كشته لها في خاطري ألف تعبير
في شوفها يطري على القلب طاري
يطري عليّ البر والجيب والطير
سجه عن الديره وصوت البواري
خالد ناصر المخيمر - روضة سدير
يا زين بالبر سجَّاتٍ ومِكشات
وجلسة ونس فوق مِركانٍ وزولِيَّه
أبعِد عن المدن والرُّوتين ساعات
لا رَبَّع البر واجواه الخياليه
البر عندي ومثلِي لِهْ طراوات
جوٍّ وعشبٍ ونسماتٍ شماليَّه
في حب جو الخلا نظَّمت ابيات
وحبه من اجْداد غَالِينٍ عليَّه
سعود عائش الحربي - جدة