حله (نار) يا سعد الله يكافي شرها

كتب لغز الأسبوع الماضي الشاعر سعد صنهات السهلي من الدرعية ويقول:
وش هي الي عكس الاشياء ترى هذا وكاد
فيه شي ينفع الكل وهي يضرها
تنوجد فالبر وأيضاً تراها فالبلاد
فيه منها فايده والحذر من شرها
ووصل للحل:
ياهلا بك ياهلا مرحبا كثر الجراد
ودوك حل اللغز من بحرها مع برها
ذيك نار ياولد من بذل للضيف زاد
خيرها واجد ويكفيك ربي شرها
أحمد بن ناصر المحرج - الرياض
حل لغزك ياسعد عندي حله ذا وكاد
حله (نار) يا سعد الله يكافي شرها
تلقى حله ياسعد بعد أسبوعٍ كالمعتاد
بالجريدة ياصلك افتحه ثم اقرها
محمد عبدالرحمن أبو دحيم - البدائع
مرحبا بك يا سعد جبت أبيات جداد
من جمال للحن صرت أحاول جرها
خذ جواب باختصار كود يافي بالمراد
هذي نار انشبها والدفا من حرها
على الرشيد - رياض الخبراء
جاك ردي يا ولد من يروون الحداد
ذيك نار يكفي الله مسلم شرها
علي مونس الجدي - الرياض
غطوك سهلٍ ممتنع 00بالبشر من قبل عَادْ
والحل نارٍ تنفع الكل والْمَا شرَّها
ويا سعد لك والخزامى غلا رغم البعاد
سلِّم على قلب الوطن جوهرة من مرَّها
سعود عائش التميمي الحربي-جدة
«لغز الأسبوع»
ابنشد اللي لا قرى اللغز ماحتار
عن جادلن عشاقها بالملايين
تلقابه الجزلات من كل الاقطار
مجمولتن في حكم ناسن أفهيمين
والها سميه تنوجد بين الاقفار
ما تنوجد ياكود من حين لا حين
نستقبل الرمعات والحلول خلال أربعة أيام من نشر اللغز على الإيميل:
rb-khozama@alriyadh.com