مبايعينٍ في رخا ولا قسا

‫ مليكنا سلمان جعلك بالوجود ..
وجعل الولي يحفظك من شر الحسود
يا فخرنا يا ذخر حكام العرب.
ياللي لك الأمجاد مدهال وعدود
يامرويٍ كبد الشعوب الضاميه..
محدٍ على جودك ومداتك يجود
بشتك ذرى عن كل أزمات وعدو..
والشعب لك يابو فهد درع وجنود
ويسلم ولي العهد فكاك العقد..
خليفة معزي على الهقوه وزود
يا سيفنا الصمصام يا سقم العدا
يا محمد الظرغام يا رمز الصمود
يالهيلع اللي جامعٍ قول وفعل
لوقفتك هيبه وخلق الله شهود
مبايعينٍ في رخا ولا قسا
وجه على ما تشتهي وارقى سنود
انتم هل العوجا مقابيس الوغا..
وأنتم هل العليا عريبين الجدود
وإيران والحوثي ومن في صفهم..
لاثارت الهيجا نوردها اللحود
ما يجهلون حروبنا ورجالها..
قيامةٍ تدك خوان العهود
ارواحنا فدوه وكل ما نملكه..
للدين وامان الوطن وابن سعود
لحدٍ يزايدنا بحب المملكة..
هذي غناة الروح لو ضاق الحسود