يا الله يا كاتب ثواب المصلين يا خالق خلقه وكاتب فناها كاتب علوم الغيب حين بعد حين يالله عبيدك لاتخيب رجاها حل الوباء بديار خلق كثيرين الناس تنشد بعضها وش بلاها من قله الإيمان صرنا ضعيفين رب المرض قادر يحقق شفاها ببلادنا من فضل مولاي راضين اللي كتب ربي علينا رضاها يالله ياعادل بحكم الموازين تنصر حكومتنا وثبت خطاها يا خادم البيتين يا نصرة الدين اللي تسوي لجل شعبك حماها علاج بالمجان حتى المقيمين حتى المخالف فيض جودك عطاها الله يديمك نصرة للمسلمين مداد جودك كل معوز خذاها الخير عم شعوب ناس بعدين اللي بلادهم عرضتهم قفاها يسلم ولي عهدك حفيد الشجيعين محمد اللي كل صعب رقاها مجدد التاريخ مامثله اثنين ربى بكنف سلمان حتى امتطاها محمد ابن سلمان في فكره الزين خلا بلادنا عاليه في سماها يالله يافارج هموم المساكين افرج لخلقك من كروب دهاها ياربنا كعبتك تبكى الملبين صحن المطاف وبير زمزم وماها مسجد رسولك مع قبور الشهدين مسجد قبا واحد سمعنا نداها كل المساجد شوفها يدمع العين تكبيره الاحرام طول قراها ياربنا تجمع صفوف بعيدين صلاتهم برحالهم وش بلاها يالله ياللي كلنا له مطيعين افرج هموم الخلق حقق مناها الموت حق وكلنا له مولين لكن كورونا الله يدمر قواها صلاه ربي عد خلق كثيرين على نبي سنه الله بناها عبدالله بن علي الهويشان
