يا كثر ما تحمل من الحقد والشر على العرب والا العجم هم سرورك

كتب بيت الأسبوع الماضي الشاعر تركي بن رشيد الزلامي بعد خروج أمير قطر من القمة العربية قبل إلقاء كلمته في قصر المؤتمرات، وذلك بعد الإجماع العربي على رفض التدخل الإيراني والتركي في الدول العربية ويقول مخاطبا أمير قطر :
يا كثر ما تحمل من الحقد والشر
على العرب والا العجم هم سرورك
وكان الصدى من الشعراء رائعا كروعتهم وصح الله ألسنتهم:
وانت ابمسيرك تاصل اليوم الاقشر
تغتر في ناس سعوا في غرورك
الا ان صحيت لساحة الخير فابشر
هنا تشوف العز في كل امورك
علي الرشيد - رياض الخبراء
تراك لو طال الزمن غصب تخسر
ارفق على اخوانٍ لنا من شرورك
ترى العجم خلوك ضحكة ومنظر
والترك بيديهم اخطامك وزورك
حمد محمد الحنو - عودة سدير
انشهد انك دايمن في تقهقر
طاوعت منهم شجعوا في غرورك
لامن جلست دايمن في توتر
وعند النشامى طافي اليوم نورك
محمد بن عبد العزيز الخنيفر - أشيقر
يا مطاوع اهل الشر فعلك يحيّر
تركت درب الخير وكثرت شرورك
فكر قبل يوم يجي لك تحسّر
يا مضيع دربك شانت امورك
ريان بن محمد - الخنيفر
يا تايهٍ مالك بحورٍ ولا بَر
على ضفاف الوَهْم تبني جسورك
أغمدت في ظهر الأهَلْ حدّ خنْجَر
وشردت شعبك واشْتكَوْ حرّ جورك
ناصر جمعان آل عوض - وادي الدواسر
تميم يتبع كلَّما عمًَه أشر
في بلاد فارس ثم تكرم سطورك
والقرب منه يعجل اليوم الاقشر
وبحره فليسٍ والخير جوى بحورك
صلاح المبطي - أرامكو السعودية
جتك الأوامر جاهزه حيل بالسر
ونفذت اجنده يوم ارضو غرورك
معثور يلي شاربن علقم المر
وانت الضحيه تايه دون سورك
حمد عبدالله الوايلي - حوطة سدير
اللي يبي يذكر يسوي لمنكر
لي صرت مجهول فدور ظهورك
دخلت فالقمه بلا فعل يذكر
وظهرت منها مادرو عن عبورك
سعود عبدالعزيز الهزاع - نعام
بيت الأسبوع
كتبه للصفحة معد الزاوية حول الاستعداد للاختبارات النهائية ويقول:
ذاكر لعلك تدرك اللي تمنيت
وثابر ترى الايام يالشبل عجله
نستقبل صدى هذا البيت بثلاثة أبيات تدور حول هذا الموضوع،
خلال أربعة أيام من نشر البيت على الإيميل:
rb-khozama@alriyadh.com