وجهي

يجيك من التعب كن ماصار
إلا وجودك صفحةٍ ف ارتياحي
جالك يبي بعض العوض و التدبّار
من لمستك لمن تداعب جراحي
كثير أحمل (هم) وآشيل بي نار
واتولع ب (نوامتك) يا صباحي
دامي على ليل الفراق الذي دار
ماذقت نومه والذهن بات صاحي
وكثرت من الصفحات يابلسم احتار
يرسم عناوين الحضور وصياحي
وينك؟ ترى وجهي تعب حيل وانهار!
شوفيه يا حبي سمعتي نياحي؟
شكلي كذا معجبك؟ يا شوقي الحار
عطيه جوك واطلقي من سراحي
واعطيني من ناعم حنانك وتذكار
دافي يرجع لي عبيري ،وشاحي
لازال ينبض قلب بسمك وما جار
لولا الحياة المتعبه في مراحي
يمرح تعب وجهي وبالظهر سنار
مغروس من صاحب أكل من كفاحي
لازلت بالهمه ولي عزم جبار
يا مهجتي لبي عليّ اقتراحي
يمكن بلمساتك أعيشك وأختار
(إلا وجودك صفحةٍ ف ارتياحي)
Your browser does not support the video tag.