انجدد البيعه غُدوِّ وآصال

يالله يافارض لنا خير الأديان
ياحي ياقيوم يارب يا وال
احفظ بلدنا من لئيمٍ وشيطان
وانعم علينا وْلا تبدل لنا حال
حنا على عهدٍ لهِ دْهور وأزمان
نرعاه لين الروح تصعد إلى العال
للقاده اللي باسمها المجد يزدان
آل السّعود مْعَدِّلة كل ما مال
غصبٍ على مبغض وحاقد وفتان
انجدد البيعه غُدوِّ وآصال
نعم نعم انقولها سر وإعلان
إنا مع آل سعود في كل الأحوال
في طاعة الرحمن أعوان وإخوان
ما بيننا يدخل عدوٍّ وعذال
آل السعود اللي لهم فِالعلا شأن
ما نرتضي عن حكمهم غير وابدال
ما نسمح لْمَخْلوقِ من حيث ما كان
ينفث سمومٍ في ضميره لها شال
أفراحنا لَهْلِ الرِّدى منبع أحزان
وأعيادنا في نفوسهم غِلِّ يجتال
الحق واضح والبراهين فرقان
مكيالنا يرجح على كل مكيال
يابلادنا شعبك قرومٍ وفرسان
دمْ يا بلد صامد على راسِي الْجال
في دوحة الإسلام أمنٍ وإيمان
نعيش في خيرٍ وفي راحة البال
دولة قيم وأهدافها نِصْب الأعيان
ملموسةٍ ما غَطَّها حِيفِ أنذال
فيها الحرم يشتاق له كلِّ وجدان
وفي طيبة الطَّيْبه سكن خير نزال
يعني الشرف فينا وشاحٍ ونيشان
تاجٍ من الوهاب له موطني نال
ما خاب من يحكم بسنه وقرآن
شريعة طلنا بها كل ما طال
خدام بيت الرب وضيوف رحمن
فخرٍ لنا جيلٍ يِسَلِّمْهِ لَجيال
نرعى الحقوق ونحترم كل إنسان
لا كبر لا جورٍ ولا ظلم مثقال
نغدق على المحتاج برٍّ وإحسان
أفضالنا غيثٍ على الناس همال
دار المشاعر شامةٍ بين الأوطان
يحمي ثراها زحول في الشدة أبطال
هذي السعوديه تسامت بالأركان
مرهوبة من دونها أرواح وآجال
عدوها يبشر بذلٍّ وخسران
ما للعدا بأرض الميامين مقيال
ما نرخي الهامه ولا عزمنا لان
الفخر من مبطي لنا تِبْعِ وظلال
في حكم راعي الحزم والعزم سلمان
نسل الملوكِ مْرَوِّضِة كل مختال
يا علِّ أبو تركي مداهيله جنان
رَجّال خَلّف من بعد عينه رْجَال
يا ربِّ ثَقِّل له بما قام ميزان
في ساعةٍ فيها عظيمات الأهوال
وأكرم ملوكٍ بعده بْحِسن غفران
اللي لهم في الشعب حبٍّ وإجلال
وسدد خُطَى سلمان في كل ميدان
يسر له التوفيق في كل الأعمال
ناصر جمعان آل عوض