معجزة الأجيال

==1==الفكر حلّق جاوز السحب يجتال==0==
==0==بآفاق مجدٍ ديرتي تنتمي له
صافح وهو في هالة الفخر يختال==0==
==0==حقايقٍ صافي الذهن تستميله
قرأ حروف جسّدت صدق الأفعال==0==
==0==بقصة كفاح اللي غزا قبل خيله
عبدالعزيز اللي بلا ند وأمثال==0==
==0==من فج ميلاده لساعة رحيله
عبدالعزيز وخير ما عنه ينقال==0==
==0==هو معجزة جيله وما بعد جيله
سن الطفوله عاشه بعقل رجّال==0==
==0==عن اللهو هومات فكره تشيله
وسط الكويت .. لحال والعالم لحال==0==
==0==في وحدته كن الرياض تحَكي له
عن حالها عقبه .. وما بينهم حال==0==
==0==ويبدأ حديث العودة المستحيله
في عقل غيره من عوارف وجهال==0==
==0==وعقله يعالج معضلاتٍ مهيله
لا أعياه تفكيره بتغيير الأحوال==0==
==0==جبر عزاه بركعةٍ وإتهَليله
وبأول صباه لما ضمر خاطره مال==0==
==0==الا نام غيره .. كل نجمٍ يخيله
متذكرٍ ميراث الأجداد الأبطال==0==
==0==ورياضه اللي عقب فقده مءحِيله
وما عاش لأجله من عريضات الآمال==0==
==0==بحكمٍ يحصّن بالسيوف الصقيله
دستوره الآي المفصل وما قال==0==
==0==صفوة قريش اللي تبعنا دليله
وعزّم ونفذ .. ناسيٍ كل الأهوال==0==
==0==بجندٍ قليلٍ .. والركايب هزيله
رأيه براسه .. ما تردد ولا سال==0==
==0==وش كثر عدوانه .. وويش اتعَبي له
من السِيف غرّب ما تسمع للاقوال==0==
==0==كن المسافة كلها تنطوي له
هجد .. وصابح طيبة الحال والفال==0==
==0==بفتح الرياض اللي بها طال ليله
وبدت زلازل تصفق الجال بالجال==0==
==0==واهتزت عروشٍ بأهَلها ثقيله
لين أحكم القبضة عقب كر وقتال==0==
==0==وكلٍ تبرا من عَمله وعميله
طاعوا وصارت وحدةٍ مالها أمثال==0==
==0==فيها الولا للدين قبل القبيلة
ثم الوطن واللي لغيم الجهل زال==0==
==0==رفع سراج العلم وأشعل فتيله
وصار الكلام اللي بلا رد وجدال==0==
==0==يا طالب الحكم .. إستعاده سليله
وأعاد هيبة موطنه عقب الاهمال==0==
==0==والممحلة صارت جنانٍ ظليله
والجفوة اللي بين ساكن .. ورحال==0==
==0==ازالها اللي كل شرٍ يزيله
توحّدت باقوى علاقات وحبال==0==
==0==العروة الوثقى .. وخير الوسيلة
في ظل شيخٍ صارت أقواله أفعال==0==
==0==حاكم عدل .. ما جا بجيله عديله
ورحل عسى له جنة الخلد منزال==0==
==0==في موقعٍ خير البرايا نزيله
وصانوا صروح المجد من عقبة اشبال==0==
==0==من مات منهم جا بديله مثيله==2==
@@ الحميدي الحربي