انا سعودي ديرتي دار سلمان

ولي الفخر بإني سعودي الهويه
خليجنا واحد ولاشك ٍ اخوان
مابيننا عدوى ولا عنصريه
لكن ليا وصلت لحد امن الاوطان
فأمن الوطن عندي له الاولويه
ياجارنا غلطان غلطان غلطان
ليه الخيانه والغدر والاذيه
تعض يمنىً بادرتكم بالاحسان
وتجازي الحسنات منا بسيّه
واقفيت تبع ٍ لابن صهيون وايران
وغديت للأخوان مثل المطيه
وابعدتنا وادنيت عَبّاد الاوثان
وشبيت نار الفتنه الطائفيه
ومن لا صدح بالحق هابي وشيطان
وذمّتْه ماهي عند ربه بريه
وحنا سندكم يوم زوغات الاذهان
وعد الروى يفرق عن المهمهيه
وهذا بيان ٍ بإسم سلمان وإعلان
إل داخليّ الدار وإل خارجيه
اللي يزعزع وحدة الصف ينهان
صفوفنا من فضل ربي قويه
تحمي حدود الدار من كل عدوان
ولاهمنا الحوثي ولا الداعشيه
ولا مكان ٍ بيننا لاي خوان
ومن اعذر انذر يالقلوب العميه
وعاش الخليج وكلنا جيش سلمان
ضد الفتن والغدر والطائفيه
عايش أبو ليل السبيعي